بالخامس والدكتورة ماعرفت جنس الجنين

السلام عليكم ورحمة الله وبركاته
كنت حابه اعرف جنس الجنين من صور السونار بس ماعرفت ابي اشوف الخبيرات بمعرفة جنس الجنين يفيدوني وانا عندي بنوته الله يحفظها وعادي عندي لو جت لها اخت لاني احب البنات بس عشان زوجي اتمنى الولد وبالاخير اهم شي الصحه والعافيه خصوصا ان ربي كتب لي الحمل وانا ماكان ودي بهذي الفترة ابد لكن الحمدالله رب العالمين راضيه ومقتنعه بقسمة ربي ..الزبدة ان الدكتورة في الشهر الرابع قالت لي مابان جنس للجنين لانه معطيها ظهره ووجه لظهري وقالت تعالي الشهر الجاي اعرف لك وجيتها بنص الخامس وانا متأكدة انه تعدل وبانت الاعضاء لكن شكلها ماتبي تعلمني خصوصا انها طولت وهي تفحص لدرجة خفت ع الجنين :confused-لايكون فيه شي وانا عاد راعية وساويس ماغير ادعي ربي يحفظ لي جنيني المهم لما خلصت سألتها عن حالته قالت سليم يارب لك الحمد وسألتها عن جنسه من باب الفضول وقالت وش عندك قبل قلت بنت قالت لسه مابان لانه مسكر رجوله انا يوم قالت كذا قلت شكلها بنت وماتبي تقول مع اني عادي عندي ف سؤالي من قد قالت لها الدكتورة نفس الكلام ووش صار جنس الجنين للي ولدوا والدكتورة خبرة من زمان عشان كذا استغربت ..معليش طولت بس اكيد غيري مروا بنفس التجربه وحابه اعرف وششاكرة لكم وقتكم