بهالموضوع حبيت أوضحلكم طريقة استخدام مخبز الخمير بالصور.. من كثر ماقريت أسئلة بخصوصه..
ممكن تسوون عليه خبز الخمير أو أي خبز تحبونه.. وممكن من عجينة الفطاير العادية تسوون خبز بالجبن أو بالزعتر أو ممكن بيتزا أو أي حشوة تبونها وتطلع بصراحة لذيذة أحلى من الجاهز..
هالمخبز من مميزاته السرعة والسهولة واللذة ومايحتاج زيت.. وسهل التنظيف..
يالله نقول بسم الله ونبدأ..
نعمل العجين دواير ونفردها
وعلى طول نحطها على المخبز من أعلى.. مثل ماقلت بدون زيت.. وعلى طول لازم نحطي اللي نبقيه.. سواء كان خمير نمسحه بالبيض ونرش عليه سمسم
أو بدل السمسم زعتر
واذا كانت عجينة الفطاير وتبون تسوون مناقيش.. فنمسح الخبزة بزيت الزيتون ونرشه بالزعتر أو جبن مبشور مع نعناع أو ممكن جبن كرافت أو لبنة وعسل أو حشوة البيتزا أو أي شي تبونه..
بعد دقيقة أو أقل تكون جاهزة.. وهذا من تحت الخبزة..
وننزلها بالطبقة التحتيه على الشبك النحاس.. ونسكر عليها وممكن بس نسكر عليها واحنا ماسكينة عشان نبعد الحرارة شوي.... بس مانخليها وايد وخاصة اذا فيها جبن بسررررعة تنضج..
ممكن بنفس الوقت اذا فيه أحد يساعدج تسوين وحدة فوق ومن تنزلينها تحت تحطين ثانية فوق مثل هالصورة.. يعني ماتضيعين الوقت..
الشغلة كلها تاخذ وقت بسيط.. وعلى قولة الأخت بيان الله يرجعها بالسلامة مرة سوت 17 خبزة خمير بثلث ساعة.. يعني من جد سرييييييييع..
وهذا خبز الخمير بعد ماجهز..
وهذا بالزعتر..
شرايكم؟؟
مشكورة الغالية الف الف شكر
اختي طريقة تدخيل او نقل الفطيرة للداخل تكون باليد؟ او بالجهاز اقصد المخبز نفسه
ادري سؤال ماصخ بس يالله عديها :26: :26: