جزاكن الله خير على هالشرح الرائع

انا عن نفسي اشتريته من فلسطين طبعا لانه معروف باسم الفرن الفلسطيني وركنته تقريبا 4 سنوات خايفة استعمله مع اني اعمل فطاير بالفرن العادي بس اخاف من هالفرن لكن بنات اهلنا كلهم يستعملونه ومرتاحين منه لكن هم يعملون الخبز بحشوات مختلفة على الطريقة الفلسطينية وطبعا هذا سر ما يقولون لنا عنه...

عموما انا اشوف انك اي طريقة للفطاير ناجحة معك راح تمشي مع هالفرن خصوصا طريقة الخبز العربي اذا فردتيه ودخلتية داخل الفرن ينفش ويصير رائع.

اما عن سؤال الاخت ام انس عن مكان بيعه بقطر فانا اعتقد انه يباع في المحلات التي تبيع اجهزة كهربائية في سوق الاحمد بمنطقة الاسواق.

ياريت تكتبون لنا:
افكار الحشوات
مع تحديد مثلا اي نوع من الجبنة افضل وتخلط مع ايه.؟؟
هل طريقة اللبنة مع العسل حلو؟؟؟!!!!!
اخاف اعمله وينتقدوني اخواني في البيت.......... طمنوني!!!

ريحة الخمير واصلة لهني .....
مشكورة ..

ام جابر
عندك خلطة الزعتز مع زيت الزيتون
خلطة البيتزا
خلطة الجبن السائل مع حلقات الزيتون
خلطة الجبن المثلثات مع البيض
خلطة المرتديلا مع شرائح الجبن والزيتون
خلطة اللبنة مع النعناع او الزعتر
خلطة الجبنة البيضاء مع النعناع ( تخلطيهم مع بياض بيضة حتى ما يسيح)

شكرا خواتي عالردود.. والله يبارك فيكم..

أختي أم جابر.. بالنسبة للخبز سويه وانتي مغمضة.. استخدمي عجينتج المفضلة للفطاير.. وافرديها عادي كأنج بتسوين خبزة.. وحطيها على المخبز من فوق وحطي عليها الحشوة اللي تبينها.. أنا مجربتنها بالزعتر وبالجبن بروحه ومع النعناع وبخلطة البيتزا وباللبنة والعسل..

كلهم حلوات الصراحة بس اللي بالجبن الأحلى تتاكل وهي ساخنة.. لاكن الباقين وخاصة الزعتر عادي وكل مابردت كانت أحلى أممممممممممممممم..

سويهم وانتي متطمنة ان شالله وبيطلعون ولا أحلى.. أسهل وأسرع من الفرن.. وخاصة اذا فيه حد يساعدج يعني حد يفرد وحد يخبز.. لأنه الخبز بسرعة يستوي.. ولاتحاتين انه حد بينتقدج.. وممكن تجربين كمن وحدة بس واذا ماعيبج سوي الباقي بالفرن.. مع اني متأكدة بتقولين يمي بعدين..

مشكورة أختي المشغولة دوما.. على الحشوات اللذيذة.. والله يشغلج دايما بطاعته..

أختي مهى.. بالنسبة للجهاز للحين والله ماشفت منه شي والعايلة كلها تستخدمه والحمدلله ممشين وياه.. بس بصراحة بيت الوالد اخترب مرة عنهم واحد وخذوا بداله ثاني ومن فترة وهم يستخدمونه..

الغالية اللي بتستخدمه طبعا تكون بروحها بدون يهال لأنه بالنهاية جهاز ويحر بسررررررررررعة رهيبة.. فالحذر واجب.. ومني شخصيا أنا اللي جربته بالبداية وبعدين علمت عليه الشغالة ومنها وهي تسوي الخبز فيه..

وتحياتي لج..