بالشهر التاسع وقالي الدكتور الراس فوق طمنوني

ان شاء الله ينزل اسجدي كثير وامشي كثير والله يسهللا عيك

الله يسهل عليك اكثري من الاستغفار
ويارب يجعل ولادتك طبيعيه سهله يسيره

ان شاء الله تتعدل وضعيه الجنين اكثري من الدعاء في السجود والاستغفار
والله يهون عليك وباقي الحوامل ويرزق كل محرومه ياكريم

الله يهوون عليك ويسر لك امورك
انا مثلك راس بنتي صار فووق فجأه قبل ماكان كل شي طبيعي وسويت عمليه ..والحين حامل وخايفه من هااللحظه الله يهون علي وعليك وتكون اولاده طبيعيه قوولي امين

الله يسهل لك امورك ان شاء الله

مريت بهذا الموقف العام بنص الشهر الثامن انقلب الجنين صار الراس فوق و السبب و الله اعلم انه من شغل البيت
كنا برمضان و اشيل و احط بالاغراض لاني لاحظت اني صرت خفيفه راح الثقل مني و خفت و راجعت الدكتوره قالت لي
الراس انقلب فوق عشان كذا راح ثقل الراس من الحوض ,,,

المهم لا تخافي الحمدلله عندك ولاده طبيعية من قبل الدكتوره اعطتني نصايح و طبقتها الحمدلله و انعدل الجنين :

كل يوم احبي زي الأطفال و الله يعينك على الثقل ربع ساعه و كل ما طولتي احسن , قالت لي ربع ساعه الصبح و ربع ساعه بالليل
لكن كنت احبي اكثر متى ما خرج جوزي من البيت و انا بديت احبي الين تكسرت رجولي ,,

و قالت لي لا تمشين بالمره لانه المشي يساعد على نزول الطفل بالحوض و احنا ما نبغى رجوله تنزل ولا (المقعده ) لانه لو نزلت بالحوض مع المشي ما راح نقدر نعدله خلاص ,,

الحمدلله طبقت كلامها اسبوع و سويت تصوير قالت لي صار الطفل بالعرض احبي كمان لانه ذحين مشاء الله تبارك الله الرحم صار ضيق عليه مو زي زمان يقدر يدور بسهوله ,,,

بعد اسبوع كمان جيتها يعني اول اسبوع بالتاسع و قالت لي خلاص الراس تحت لكن ما نزل بالحوض ذحين امشي كثير الين تحسين بالثقل زاد عليكي معناته خلاص نزل بالحوض ,,

و اعطتني خيارات في حالة عدم نزول الراس تحت :

اول شي نولدك بالمقعده لانه عندك ولاده سابقه طبيعي و هذا يساعدنا كثير .

و ثاني شي الطفل بالمره صغير راح ينزل بالراحة وزنه يدوب 2 كيلو .

ثالث شي الطلق اذا كان شديد يخلي الطفل يلف ويرجع لوضعه الطبيعي بإذن الله .

اخر خيار العملية و قالت ان شاء الله ما تحتاجينها

اعطيتك قصة حياتي لكن ادعي الله كل يوم يرزق الولاده الطبيعية السهله الميسره

كنت اشرب موية زمزم كل يوم و اقرأ سورة مريم و قبل الولاده اقرا الافاده فيما جاء في ورد الولاده نزلت نسخه منه على الجوال ..

والحمدلله ومشاء الله تبارك الله لدت طبيعي و ربي رحمني