دى منتجات العناية بشعرى حقولكم تجربتى
معاها و يا رب تستفيدوا من الموضوع
دة شامبو لوريال السيف ضد القشرة
جميل جدا و ريحته حلوة و فعلا بيقلل القشرة كتير خصوصا فى الشتا
فى الصيف بأة ممكن أستخدم أى شامبو تانى مش شرط
يكون ضد القشرة
زى شامبو بانتين أو صن سيلك
و دايما بعد الشامبو لازم أستخدم حمام كريم
على الشمال فى الصورة الجاية دة حمام كريم فاتيكا سعره معقول و كويس جدا
و أحيانا بستخدم بلسم بعد الشامبو بس مش كتير
لأنه ممكن لما ييجى على فروة الراس
يسبب تساقط
و بحب بلسم هيربال ريحته تجنن و بيفك التشابك فى الشعر بشكل رائع
بالنسبة لأنواع حمام الكريم اللى استخدمتها و عجبتنى جدا:
حمام كريم آنجل
السيف الدهبى
السيف الأبيض
و أسعارهم فوق ال 50 جنيه مصرى
و
لوريس سعره 35 جنيه
نيجى بأة لكريمات تصفيف الشعر اللى عجبتنى
كريم ايفا بالعسل ريحته حلوة جدا و رخيص
بحوالى 7 جنيه مصرى
بس الأحلى بأة كريم بالمرز
صورتلكوا الأنواع اللى عندى
كلهم حلوين و ريحتهم تحفه
بس الأبيض اللى تحت بيثبت الشعر بتبقى كأنك حاطة جيل
فعلشان كدة ابنى اللى بيستخدمه أما النوعين
الأخضر و الأزرق نعومة و لمعة جميلة جدا
بالنسبة لزيوت الشعر
أنا مش بحب الزيوت قوى لكن الزيت اللى
استخدمته و عجبنى زيت كازانوفا بزيت اللوز
استخدمته كحمام زيت حطيته ساعة
على شعرى و بعدها غسلته
لأن مش بحب الزيت يقعد عالشعر كتير لأنه ممكن
يسبب التساقط و يسد مسام فروة الراس و يمنعها
تتنفس فأحسن حاجة يستخدم كحمام
ساعة أو ساعتين و بعدها يتغسل
أتمنى موضوعى يكون عجبكم و أفدكم
♥ لا تنسوا التقييم ♥
فى أمان الله