بالصـــــور .. منتج خطير من ماك .. مع درس لطريقة استخدامه..

السلام عليكم ورحمة الله وبركاته

مرحبا بنات عالم حواء

اليوم وانا اتصفح شفت منتج وشكله خطييييير

المنتج من ماك اسمه ((GRAPHITO)) وهذي صورته..



وهذي صورته على اليد



وهذي صورة النتيجة بالضبط اذا اتقنتي استخدامه...


الطريقة كالاتي:
1- تاخذين كمية بسيطة منه على ظهر اليد وبالإسفنجة الخاصة بالظل توزعينه على كامل الجفن المتحرك على شكل رسمة اي لاينر متين

2- وتاخذين احسن فرشاة طبيعية للشدو الكريمي وهي الإصبع السبابة
وتوزعينه بخفة لين توصلين ثلث ارتفاع جفونك وتكونين شادة جفنك بيدك اليسار على فوق عشان تقدرين تسترسلين في مده

3- وبعدين تاخذين فرشاة نظيفة وتضربينها ضربة خفيفة على الشدو المتبقي على ظهر يدك عشان تاخذين مجرد لون خفيف في الفرشاة <=== حركة مهمة وارجعي نظفي حدود الشدو وساويها

4- اخذي اي شدو لؤلؤي أنا افضل NYLON من ماك وزعيه تحت الحواجب بيدك عشان يعطيك اللمعة المصقولة

5- وارجعي وزعي اطراف الشدو مرة ثانية مع اللؤلؤي عشان يبين سموك اللمسة النهائية وهي المهمة لإظهار الشدو بشكل معدني نفس الصور تاخذين بصبعك كمية بسيطة من الشدو المتبقي على ظهر يدك وتمسحين فية الجفن كامل وانتي شادته بيدك اليسار بطريقة عمودية يعني من اسفل الجفن الى اعلى وليس من اليمين الى اليسار كما تعودنا عشان يعطيكي النتيجة المطلوبة نفس الصورة وكملي رسمة عينك بالآي لاينر والماسكرا والكحل داخل العين بطريقة غير محددة مع اخذ كمية بسيطة من الاي شدو بفرشاة صغيرة ودمجه من اسفل العين على منابت الرموش السفلية والإكثار من الكحل الأسود بداخلها...

وهذي صورة للروج اللي ارشحه لهذا المكياج وهو ((FAUX)) من ماك بلاشر وردي من THE BODY SHOP وقلوس من GIVENCHY رقم453 هذي صورهم



ملاحظة مهمة : خلصي العين الي بديتي فيها كاملة وبعدين ابتدي في الثانية لأن الشدو ينشف ويصعب التحكم فيه..

..ملاحظة:اذا كنتي من النوع اللي يحب السموك الغامق حطي للشدو قاعدة من الظل الاسود وكملي الخطوات بشكل عادي نفس الشرح
النتيجة من الشغل كله : اي شدو سموك ناعم وشفاف معدني مفضض متدرج حدوده مايلة للون البرونزي وهذي ميزته ..

اتمى يعجبكم مثل ما عجبني :42:

منقوووول

في أمان الله