مساء الخير
الحلى سهل ولذيذ واظن اسمه الغريبة (بتشديد الياء)>>>احلفي خخخخخخ
وانا مصورته من زمان مو على اساس اني بنزله هنا ..كنت مصورته كذا بس عشان اوريه امي ونسيت الصورة انها في الجوال ولما شفتها قلت يابنت نزلي الموضوع مولازم الخطوات تعيجزت اصلحه>>>عجاااازه خخخخخخخخ
شوفوا الصورة وبكتب المقادير تحت
نص كاس سكر مطحون
نص كاس زيت او اقل شوي
ملعقتين فول سوداني
وكاس اوكاس وشوي دقيق (كويتي افضل)
تعجنينهم مع بعض وتكورينهم كور صغار وتصفينها في صينية الفرن وتضغطين على كل وحدة شوي شوي عشان تصير مسطحه نوعا ما يعني مو مستديرة تماما
وترسمين الوجه بالهيرشي بعود الاسنان(اذا صار الهيرشي ثقيل خففيه بشوي مويه)
وتدخلينه في الفرن من تحت فقط
وانتبهي له عشان مايحترق الظاهر يحتاج له ربع ساعة تقريبا
واذا طلعتيه من الفرن خليه الى ان يبرد قبل ماتشيلينه عشان ما يتفتت معاك ..وبالعافيه:)