شحالكم بنات..
اليوم حبيت اشارككم تجربة مريت بها..
قبل رمضان سرت حق معرض متنقل عندنا في بوظبي..
واكثر شي احبه في هالمعارض>>>محلات العطارة..لانها نادرة عندنا وصعب احصل الزيوت والخرابيط مالات الخلطات خخخخخخخخ
عموما شفت وحده مصرية كبيرة في السن تبيع..والستاند مالها طاولة صغييرة مقارنة بالمحلات الثانية..
كسرت خاطري قلت خل اسير اشوف شوعندها؟؟
حصلت عندها كمن منتج...قلت ابا اي شي يبيض..
عطوووووووول طلعت لي صنفرة وردية..
تمت تمدح فيها وقالت صناعة مصرية وجميلة اوي..حتى جربيها دلوقتي على ايدك وحتشوفي الفرق!
حطيت شوية على ايدي وكانت مثل اي صنفرة..
طبعا انا انحرجت..دوم يوم ادش محل وصاحبة قوي شراتها استحي واشتري..
دووووووووووم تعصب امي علي...بس والله غصب عني..
المهم..ماذكر بكم شليت الصنفرة..
يوم وصلت البيت قلت خل اجربها..
اعوذبالله..اول مابطلتها بغيت ازوع...ريحه غرفة غسيل لووووووووووووول
ورب البيت ماقص عليكم..ريحه صابون ملابس
بتقولون مب خايسة بالعكس...بس والله ماتنوصف...والصابون انواع..
وانا الغبية جازفت قلت من يبا الحلا لازم يغامر..
حطيت شويه على ايدي وفركت بالليفة ولماي..
افففففففففففففففف حااااارة كأني حاطه ماي مفور..
طبعا حسيت لاني زدت عليها الماي وبدا مفعولها..
عطول غسلت ايدي زانا خايفة..
بس تبون الصدق حسيت اللون تحول للافتح شوي!
سألت اختي شو تشم في الصنفرة..ونفس الشي قالت صابون ملابس خخخخخخخخخخخ
والي اكد لي انه ابون ملابس..
مبين في الصنفرة حبيبات القوة خخخخخخخخ مال الدعاية اللي لونها احمر وازرق!!!رب البيت خخخخ
ومن يومها ماستخدمتها...
انا مش زعلانة من صاحبة المحل..
بس ماتوقعت فيه شركات عربية توصل لانها تتاجر بصحتنا..
انا ارتحت لان الشركة عربية...لاني كنت اخاف من الشركات الاسيوية..وطلعت الاسيوية آمن للاسف:(
والله حت العبوة قرف والوصف مش تجاري خبيصه كأنها غل بيت مب مصانع..
وهذي الصور مع تعليقي:
العلبة
الشكل يلوع بالكبد...بس اختكم يائسة لحظتها خخخخخخخخ
لقطة فوتوجرافية من الاعلى <<<<<<<<<<<<<<<< اها!
"قوام" الصنفرة يميل للون الوردي ويحتوي الحبيبات المذكورة سابقا <<<<<< متعوب عالجملة اذكرا الله لووول
هنا تأتي الطااااااااااامة...تعالوا بنات اقروا شو مكتوب عالارشادات خخخخ:
" ماسك يعمل على تفتيح المسام في خلال 15 دقيقة فقط عندما تتجمع الدهون ولاتربة داخل المسام تظهر مسام الوجه بصورة غير طبيعيه وبالتالي تصبح البشرة خشنة وغير صافية ماسك جوجو لتفتيح البشرة يجعل المسام تظهر بشكل أصغر. فإن هذا الماسك ينظف بطريقة شاملة ويشطف بالماء. مفعولة يظهر بعد الاستخدام بدقائق قليلة وذلك بفضل تركيبة مكونة من دقائق أسفنجية تساعد في زيادة فاعلية الماسك تاركا البشرة فاتحة ولينة بعد الاستخدام فورا
طريقة الاستخدام: ضعي كمية على الوجه الجاف النظيف وعندما يجف الماسك يترك لمده 15 دقيقة ثم يشطف الوجه"
انتهى النقل
ملاحظة: ترى ناقلته بالحررررررف والنقطة..واله يشهد علي لين يوم الدين..
لاحظتوا الوصف؟
الظاهر اللي كاتب الوصف مدرس رياضيات..
مايعترف بالفاصلة ولا التاء المربوطه<<<<<طلعت من الموضوع لول
احسه تعبير صف ساس مافهمت شي..
لاوالله صدق..انا راسي عورني وانا اقرا قاعد يلف ويدور مافهمت الا(مسام) و(يشطف)
خخخخخخخخخخخخخخخخخ
استغفر الله
بس تخيلوا معاي..والله ايدي حرقتني من حطيته فمابالكم الوجة؟؟
خواتي..انتهى موضوعي تقريبا..
بس قبل لاظهر..ابا اذكركم ان البشرة نعمة من الله سواء بيضاء او لا..
واذا تلفت ماشي بيعوضها..
واستخدام بودرة غسيل الملابس مصيرها بتضرنا حتى لوكانت النتايج سريعة..
ولاتنسون شو مكوناتها اصلا!
هذي تشيل البقع المستعصية..وكثر غسيل القماش يحرقه..شقايل البشرة؟
فيه بدائل وااااااااااااااااااايد...والله حرام تأذون اجسادكم..
مابقول تايد قاتل..
لان خطورته تنحصر بالابتلاع والاستنشاق بس..
لكن مرونة البشرة ماتتحمل حرارة المنتج ولاقوته..
عموما انا من زمان ابا اشارككم الموضوع..
واليوم تشجعت عقب موضوع حبيبتي عشيقة الليل:
http://forum.hawaaworld.com/showthread.php?t=1400764
وعرفت ليش الشركة تجرأت على هالشي..لاننا مانهتم بالطريقة المهم النتيجة للاسف!
والسموحة,,
أختكم
ألميرا