وبما اني قاعده بس اطبخ ربيان الايام هذه فقلت خليني افيدكم و اصور لكم الربيان واهوا يتقشر
:26:
اول شي لو كان الربيان مثلج
ينقع بالماء الفاتر ( ماء عادي وليس ساخن ) لو دافي زين بس مو ساخن عشان لا يعفن الربيان
بالشكل هذا
انا كنت منقعه الربيان لاني جابه ربيان معاي من الكويت و طلبت من شركه السمج انهم يثلجونه لي بثلاجه مخصصه عشان السفر
المهم هذا الربيان بعد ما فك من الثلج بالشكل هذا
تلاحظون راسه و ذيله و قشوره .
بايدج تتلين الراس و اهوا بسرعه راح يطلع معاج بالشكل هذا
خلو ماي الحنفيه شغال لانكم راح تحتاجون بالتنظيفات ..
الحين تصير عمليه التقشير سهله لان الربيان مثل البرتقاله بسرعه يتقشر و الرجول حقت الربيان تلوها تطلع معاكم بسرعه من غير تعب .
شوفوا بعد التقشير شلون صار
الحين العمليه الاصعب وهي ازاله الخيط الاسود الرفيه الموجود في ظهر الربيانه
نمسك الربيانه و نشقها من صوب الظهر بالطول عشان نطلع الخيط الاسود
لازم يطلع الخيط هذا لان كله تراب و وساخه لو تركتوه راح تحسون بطعم التراب بالاكل