تحية طيبة للجميع ...
مبارك عليكم الشهر
واعاده الله عليكم بخير صحة وعافيه
(( بالصور طريقة جديدة للمناكير بالكريستال ))
قبل ما نبدا في العرض
احب انوه انه
(( لا يمنعك المناكير عن اذاء الصلاة ))
أول شي نبدا بيد نظيفه ونجهز المناكير والاشيا اللي محتاجينها كلها جدامنا عالطاوله
وبعدين نبدا نحط اللون اللي نبيه بعنايه على كل الاظافر
اذا بتحطون لون غامج مب لازم نحط بيس شفاف قبل اللون .. لان الالوان الغامجه تجي قويه وماتحتاج بيس .. لكن لو كان اللون فاتح وفي نفس الوقت شفاف .. احسن نحط بيس في البدايه
ننطر لين ماينشف اللـون عدل عدل
وبعدين نيجي للمهم ..
نجيب اللون الشفاف .. ونبدا نحطه على الظفر اللي بنحط عليه الكريستال
طبعاً قبلها لازم نكون محضرين الكريستالات والأداه اللي راح نستعملها في التثبيت
انا استعملت المبرد مال الاظافر .. تقدرون تستعملون اي شي ترتاحون له .. عود اسنان مثلاً او اي شي ثاني تشوفونه يأدي الغرض
الحين اشلون راح نلصق الكريستاله على الظفر ؟!
ناخذ المبرد اللي راح نستعمله في " إلتقاط " الكريستاله << ياعيني عاللغه
وناخذ شوي من المناكير الشفاف لانه راح يساعد ان الكريستاله تمسك في المبرد
نفس هالصوره
مثل مانتوا شايفين .. انا ما غرّقت المبرد في المناكير .. بس على الفرشاه من فووق يادوب بس حطيت المبرد عليها وشلته
واهني بنحطه عالكريستاله
كاهي اهني لاصقه
لازم اذكركم ان الظفر نكون تووونا حاطين عليه طبقه من الشفاف وللحين مااانشفت
يتبعــــ
وعقب مانخلص وينشف كل شي ... نحط طبقه مره ثانيه من الشفاف عشان الكريستالات ماتطيح
وفي الأخير هذا اللي طلع معاي
كل وحده تقدر تتفنن بالكريستالات على مزاجها وبالديزاين اللي تبيه وتدخل الوان بعد مب بس لون ..
والحيــن دور الـــ Glitter
الحبه مالته مش صغيره كلش ..
هو غير عن القلتر الناعم اللي كنه بودره .. هاي احبه اكثر
نحط اللون اللي نبيه على الأظافر كلها ..
وانا استعملت هاللون من ريفلون
نفس الشي استعملت المبرد في تثبيت القلتر بس مافي داعي انه يلصق بالمناكير الشفاف ..
كل وحده تستعمل السانها وعلى طول بيلصق فيه القلتر لانه خفيف .. ترى المبرد جديد ماستعملته والله :$
المهم بعد ماينشف كاامل من اللون اللي حطيناه .. نبدا نحط طبقه من الشفاف على الظفر .. وبسررررعه قبل ماينشف نجيب المبرد ونحطه على حبة القلتر ونحطه بعدين على الظفر بالديزاين اللي نبيه
وعقب مانخلص نحط طبقه من الشفاف علشان يثبتون
وهاي الديزاين اللي سويته ^_*
وحلاته بعد لو عندكم اكسسوارات فيها كرستال وشي يبرق ويتلامع
منقول من الغالية افطيم ناقلته من الاخت انا قطرية