حبيت احط لكم خلطه آنل بالتفصيل وبتصويري..
الخلطه سويتها قبل اسبوع وشوي..
بعد ماقريت تجارب البنات اللي عبت منتدانا والمنتديات الثانيه..
استخدمتها يومين ووقفت لاسباب بنوتيه..
بس ان شاءالله بكملها بكره..
ف اليومين اللي استخدتمها فيها.. لاحظت نعومه ولاأروع..
خاصه ع الارداف..
وبعد حسيت بشرتي رطبه طول الوقت ومو جافه..
البنات قالوا ان البشرة تمتصها بسرعه وماتقعد عليها..
امم انا احس بها على بشرتي بس بشكل خفيييف..مايضايق..
يعني مامتصتها بشرتي بالكامل..
تفضلوا الصور..
هذي هي المقادير:
أربع ليمونات - زيت لوز مر - فوار فيتامين سي - علبة جليسوليد 125 مل
تحصلون فيتامين سي في الصيدليات وبعد في محلات الهايبرماركت
الطريقة:
اول شي اعصري الليمون وصفيه من الحب.. عقب اضيفي حبتين فوار:
وانتظريه لين يذوووب بالكامل..
وعقب اخلطي في صحن منفصل.. فنجان زيت لوز والجليوسليد وامزجيهم عدل مدل
- غلطتي اني ماسويت هالشي.. اضفتهم على طول.. ف تعبت في تحريك الخلطه لين امتزجوا -
الصورة تشرح:
وبعد جهد جهيد..امتزجوا عدل:
وبس..خلصنا!
شفتوا شلون سهله؟..
نصيحه:
من الافضل تحفظونها في علبة زجاج مو بلاستيك..:
آنل قالت ان الخلطه ماتقعد اكثر عن اسبوع لانها تخيس..
انا خلطتي ماخاست.. يمكن لانها ف مكان بارد..
اصلا اذا بتستخدمونها لكامل الجسم.. بتخلص خلال اسبوع :p
طريقة الاستخدام:
حطيها ساعه او اكثر.. على حسب رغبتج..
مثلا قبل النوم..
وثاني يوم تسبحي..
ريحه الخلطه حلوة.. مو كريهه..
يعني عادي المتزوجات يستخدمونها بوجود ازواجهمـ ..
دعواتكم,
ألميرا
:26:
ان شا الله تستفيدين منها وتكوني احلى من القمر..