بذر القطونا
بتعالج الحبوب و البثور و آثارها و بتشد البشرة لأن فيها نسبة كولاجين عالية جدا
عرفتها من برنامج عالتليفزيون
و كانت دكتورة سمر العمريطى بتتكلم عن البذور دى و فوايدها المتعددة
عملت الطريقة بالظبط
و دى الصور
دة شكلها
بدل ما أدقها فى الهون
ضربتها ضربتين و بس كدة فى الكبة علشان مش مفروض تبقى ناعمة
أخدت ملعقة كبيرة و ضفت عليها ماء مغلى
و قلبت
لحد ما بقت مادة جيلاتينية
عاملة زى العجينة المتماسكة بالشكل دة
حطيت نقطتين زيت لوز مر
و قلبت
و بعدين فردتها على وشى و سبتها
لمدة أربع ساعات
طبعا شكلى فعلا كان بشع:22:
أنا حطيتها طبعا و عارفة ان جوزى مش موجود فى الوقت دة
و هى على وشى كمان حسيت ان وشى مشدود جدا و مش عارفة أتكلم:S_45:
و شطفتها و مسحت وشى بماء ورد
و رطبت بشرتى بزيت الزيتون
و النتيجة.
.
.
.
.
واااااااااااااااااوووو
بجد روووووووووووعة
فعلا أحسن من أى مستحضرات غالية ممكن ندفع فيها كتير و ما نحصلش على النتيجة دى من أول مرة
شدت البشرة و فتحتها و نضفتها جدااا
و بقت رايقة و فيها نضارة ملحوظة
و كل دة من أول مرة
ملحوظة
اللى بشرتهم حساسة ينتبهوا
تستخدم مرة فى الأسبوع فقط
لأنها قوية عالبشرة
و هى أساسا مقشر طبيعى للبشرة
فلازم ترطبى بشرتك بعدها
بنقطتين زيت زيتون
أو أى كريم مرطب
أتمنى تستفيدوا من الموضوع
♥ فى أمان الله ♥