اخواتي العزيزات انا قبل رمضان وبمناسبة عمل الكريم كرميل اليومي صرت اقوم باذابة السكر وتكسيره لقطع صغير ووضعه في علبه في الثلاجه (ما اعرف اذا في احد منزل هذي الطريقه في المنتدى )
وما عليك بعد كذا الا انك توزعي زبادي الكريمه وتحطي في كل زبديه قطعه من السكر وتصبي فوقها الكريمه والنتيجه كأنك مذوبه السكر في نفس الوقت مع انك وفرت على نفسك ثلاث ارباع الوقت في عمل الكريمه
زياده على كذا اني صرت اخلي بناتي يعملو الكريمه ما اخاف عليهم من خطورة انهم يسيحو السكر
والطريقه هي
تحطي كمية السكر المناسبه لك وتسيحيها على النار وخليك حريصه انو ما يحترق (علشان ما يعطي طعم مرار )مجرد ما يذوب السكر كله مع التقليب المستمر ويصير لونه عسلي ارفعيه عن النار وصبيه في صحن او صينيه على شكل خطوط عشوائيه او دوائر (زي ما تحبي ) وبعد ما يتماسك نقوم بتكسيره الى قطع صغيره ونعبيها في علبه وندخلها الثلاجه والنتيجه (كريمه في خمس دقائق) واستخدميها طوال الشهر
ورمضان مبارك على الجميع
ومعاكم الصور
عندي سؤال :
أكيد راح يذوب في قاع الزبديه وإلا راح يرتفع فوق
لأنو الي نصلحه بوقته على طول نصبه بالزبديه وهو حار ويلصق فيها
هذا لأ مافيه لصق
مره عجبتني الفكره
بس انتظركي تردين علي علشان أقوم أسويها
جزاكي الله خير وجعله بميزان حسناتك