جبت لكم اليوم جديد الوالدة -الله يحفظها ويطول بعمرها- عزيمة عشاء
منوعة وبأطباق جديدة ان شاء الله تعجبكم ...
((على فكرة بنات انا كتبت العزيمة باسم امي لانها هي اللي اشرفت
علينا واختارت أطباق العشاء ؛؛ والحمدلله انا وخواتي ساعدناها بكل شي
اللي سوته امي الشعبي بس والباقي تساعدنا فيه انا وخواتي :27:))
؛؛ واللي تبغا تشوف مواضيعي السابقة تدخل على ملفي الشخصي ؛؛
...:: ماشاء الله تبارك الرحمن ::...
هذي صورة السفرة بشكلها النهائي ::
(( سلطة الملفوف والجزر ))
المقادير:
1 حبة ملفوف أبيض متوسطة الحجم ؛؛ يقطع الى قطع صغيرة.
3 حبات جزر متوسط الحجم ومبشورة.
1 علبة ذرة.
4 ملاعق كبيرة مايونيز.
الطريقة:
نخلط الملفوف بعد تقطيعه والجزر بعد بشره مع الذرة ؛؛ بعدين نحط عليهم
المايونيز ونخلطه عدل ؛؛ ونحطه بصحن التقديم.
<<< نسينا نحط ذرة من العجلة :35: .
(( السلطة التقليدية ))
المقادير :
2 خيار ؛؛ مقطع مكعبات.
2 طماطم ؛؛ مقطع مكعبات.
2 جزر مبشور.
1 فلفل رومي ؛؛ مقطع مكعبات.
خس.
1 علبة حمص حب.
1 علبة ذرة.
الطريقة :
نخلط كل المقادير مع بعضهم ونحط شوي ملح ؛؛ ونزينه بالسماق وشرائح الليمون.
:
.
:
.
(( سبرنق رول بر بالخضار ))
المقادير:
2 عجينة السبرنق رول الجاهزة بالبر (مثل السنبلة).
2 بصلة مقطعة صغير.
2 جزر متوسطة الحجم مقطعة الى مكعبات ومسلوقة.
2 بطاطس متوسطة الحجم مقطعة الى مكعبات ومسلوقة.
2 كوسة متوسطة الحجم مقطعة الى مكعبات ومسلوقة.
زيت زيتون - بهارات - ماجي - ملح.
الطريقة:
يحمس البصل بزيت الزيتون لما يشقر بعدين نضيف له الخضار المسلوقة
والبهارات والماجي والملح ويقلب جيداً لما تتجانس.
بعد ماتبرد نحشيها برقائق السبرنق رول ونخليها على شكل أصابع وندهن
طرفها ببيض علشان ماتنفتح ؛؛ وتصف في صينية مدهونه بزيت وتدخل
الفرن لما تتحمر ؛؛ بعدين نصفها في صحن التقديم.
(( سبرنق رول بالدجاج والخضار ))
المقادير :
2 عجينة السبرنق رول الجاهزة (مثل السنبلة).
1 صحن صدور دجاج من غير جلد وعظم.
2 بصلة مقطعة صغير.
2 جزر مبشور.
2 بطاطس متوسطة مقطعة الى مكعبات صغيرة ومقلية.
2 كوسة متوسطة مقطعة الى مكعبات صغيرة ومقلية.
زيت لتحمير البصل - ماجي - ملح - بهارات.
الطريقة :
نسلق صدور الدجاج بماء وملح ؛؛ وبنفس الوقت نحمس البصلة بالزيت لما يشقر
ونضيف الجزر والبطاطس والكوسة ؛؛ وبعد نضج الدجاج نقطعة بالشوكة بيصير مثل
الخيوط ونضيفه للخضار ؛؛ بعدين نضيف البهارات والملح ؛؛ اما الماجي نذوبة ب4/1 كاس
موية بعدين نضيفه للباقي ونتركه على نار هادية لما تنشف الموية.
بعد ماتبرد نحشيها برقائق السبرنق رول ونخليها على شكل أصابع وندهن طرفها ببيض
علشان ماتنفتح ؛؛ ونقليها بزيت عزير وحار ؛؛ وتصف في صحن التقديم.
(( كــــبــــة - مرررة لذيذة ))
أخذتها جاهزة من سوبرماركت (كارفور) ؛؛ وقليتها في زيت غزير وحار وصفيتها بصحن التقديم.
هذي هي الكبة بعلبتها علشان تعرفونها ؛؛ ماركة (شامي)
حجم صغير: (نفس اللي حطيناه بالعشاء) والعلبة فيه 35 حبة ؛؛ نوعين لحم ، ودجاج.
حجم كبير: العلبة فيها 12 حبة ؛؛ نوعين لحم ، دجاج.
:
.
:
.