على هذا الرابط
ملف سفرات وعزايم وبوفيهات أطباق عالم حواء ابداع × ابداع
السلام عليكم ورحمة الله وبركاته ؛؛
اليوم جبت لكم عشاء سوته امي -الله يحفظها- لأصدقاء أخوي
؛؛وصورته لكم علشان تتحمسون وتسوون مثله <<< تسمع بالتشويق
...بالبداية هذي صورة السفرة الشكل النهائي :::
(( سلطة المكرونة ))
المقادير :
2 كأس مكرونة صغيرة حقت السلطة ؛؛ نسلقها بموية وشوي ملح وزيت علشان ماتتلصق.
2 بطاطس كبيرة ؛؛ نقطعها مكعبات ونقليها.
1 علبة حمص حب.
1 علبة ذرة.
بصل أخضر _ خس _ بقدونس ؛؛ نقطعهم صغير.
الصوص :
2 علبة زبادي.
1 ملعقة كبيرة مايونيز.
1 ملعقة خل أبيض.
عصير ليمونه وحدة.
شوي ملح.
الطريقة :
نخلط كل المقادير مع بعضهم بعدين نحط عليهم الصوص ونخلطهم عدل ؛؛
ويزين الوجة بمكعبات توست محمصة.
(( السلطة التقليدية ))
المقادير :
2 خيار ؛؛ مقطع مكعبات.
2 طماطم ؛؛ مقطع مكعبات.
2 جزر مبشور.
1 فلفل رومي ؛؛ مقطع مكعبات.
خس.
1 علبة حمص حب.
1 علبة ذرة.
الطريقة :
نخلط كل المقادير مع بعضهم ونحط شوي ملح ؛؛ ونزينه بالسماق.
:
.
:
.
(( بيتزا ))
مقادير العجينة :
2 كأس طحين.
3 ملاعق كبيرة حليب بودرة.
1 ملعقة كبيرة خميرة فورية.
1 ملعقة صغيرة ملح.
1 فنجال سكر.
4/1 كأس زيت.
مقادير الصلصة :
1 بصلة مقطعة صغير.
2 طماطم مقطعة مكعبات.
1 علبة صلصة طماطم.
1 ملعقة كبيرة زعتر أخضر.
زيت لحمس البصلة.
حبة ماجي _ ملح _ بهارات.
2/1 كأس ماء.
طريقة الصلصة :
نحمس البصل المفروم بالزيت ولما يشقر نحط الطماطم لما تذوب ؛؛ ونحط باقي
المقادير ؛؛ وممكن نزيد كمية الماء.
مقادير الحشوة :
الصلصة السابقة.
شرائح زيتون أخضر أو أسود.
فلفل رومي مقطع صغير.
جبن موزريلا.
الطريقة :
بعد ماتختمر العجينه نفردها بالنشابة ونقطعها دوائر (امي تقطعهم بغطاء الابريق
أصغر شي) ؛؛ نخليهم تقريبا ربع ساعه بعدين نحط الحشوة ونشغل عليها الفرن
من تحت بس ؛؛ ولما تنضج نتركها تبرد شوي بعدين نصفها بصحن التقديم.
(( المحار ))
المقادير :
العجينه نفس مقادير عجينة البيتزا.
مايونيز.
شرائح جبن (مثل حق التوست والبرجر) تقطع على شكل + علشان تصير 4 قطع.
شرائح ديك رومي.
خس.
الطريقة :
نفرد العجينة بالنشابة ونقطعها دوائر ؛؛ نخليها ترتاح تقريبا 30 دقيقة بعدين
نقليها بالزيت ؛؛ لما تبرد نفتحها من جانب واحد بس مو كلها !!!
ندهنها بالمايونيز ونحط قطعة جبن وشريحة ديك رومي وخس وتصف بصحن التقديم.
(( سبرنق رول بالدجاج والخضار ))
المقادير :
2 عجينة السبرنق رول الجاهزة (مثل السنبلة).
1 صحن صدور دجاج من غير جلد وعظم.
2 بصلة مقطعة صغير.
2 جزر مبشور.
2 بطاطس متوسطة مقطعة الى مكعبات صغيرة ومقلية.
2 كوسة متوسطة مقطعة الى مكعبات صغيرة ومقلية.
زيت لتحمير البصل _ ماجي _ ملح _ بهارات.
الطريقة :
نسلق صدور الدجاج بماء وملح ؛؛ وبنفس الوقت نحمس البصلة بالزيت لما يشقر
ونضيف الجزر والبطاطس والكوسة ؛؛ وبعد نضج الدجاج نقطعة بالشوكة بيصير مثل
الخيوط ونضيفه للخضار ؛؛ بعدين نضيف البهارات والملح ؛؛ اما الماجي نذوبة ب2/1 كاس
موية بعدين نضيفه للباقي ونتركه على نار هادية لما تنشف الموية.
بعد ماتبرد نحشيها برقائق السبرنق رول ونخليها على شكل أصابع وندهن طرفها ببيض
علشان ماتنفتح ؛؛ ونقليها بزيت عزير وحار ؛؛ وتصف في صحن التقديم.
:
.
:
.