كيفكم صبايا ان شاء الله تمام من زمان مانزلت شي جديد بها القسم من فتره طويله ،،،،كنت افكر وش اسوي
غدا مليت من رز مكروزنه وغيره قلت خليني اخترع شي او اضيف اشياء بسيطه تغير الطعم والشكل والحمد الله الجميع انبسط :icon28:اليوم بطبقي واكيد مانسيتكم لاني كثير استفدت منكم:) ،،، اخليكم مع الصور وان شاء الله بتعجبكم،،
المقادير:
مغلف واحد مكرونه طويله او على حسب عدد افراد الاسره
بصله كبيره مقطعه
فلفل بارد مقطع
نص فص ثوم مهروس
فلفل حار واحد مقطع او على حسب الرغبه
حبتين طماط مقطعه
شويه كزبره مقطعه
نعناع لتجميل
واكيد كيلو ربيان طاااااازه منظف ومقشراو كيلوين على حسب الكميه
اربع ملاعق صلصه طماط
حبه ماجي
ملقعه ملح وكمون وفلفل اسود وليمون اسود وقرفه
الطريقه:
بالبدايه نسلق المكرونه في قدر مويه وملح لمده اقل من ربع ساعه عشان مايخرب طعم ثم في قدر ثاني نحط فنجال قهوه زيت نور او غيره ثم البصل والثوم والفلفل البارد والماجي ونحرك لحد مايتسبك شويه ثم نحط باقي المقادير كلها ونحرك واخر شي الربيان لانه مايحتاج طبخ كثير ثم نقصر النار واذا نضج الربيان نحط المكرونه المسلوقه فوقه ونخلطهم عدل مع بعض ونقدمه بصحن ونزينه بنعاع وعلى فكره بنات رهيييييييب جربوه مرررره سهل وحلو ومايخذ وقت
وممكن تستغني عن الربيان بدجاج او لحم مقطع صغار بس بالربيان اكيد احلى طعم وشكل ،،اخليكم مع صور ثانيه عشان تتحمسون وتسونها
ولقطه ثانيه بس شوي شوي لاتسعبلون على الكي بورد
:26:اتمنى طبقي عجبكم ولاتنسون تقيموني:26: