السلام عليكم
عندي استشاره وموضوع حساس وبصراحه ما ادري وين اروح..
انا ساكنه مع اهل زوجي من 3 سنوات
وربي يعلم اني احبهم كثر خواتي واهلي
بس اللي مضيق علي ورافع ضغطي المكان
انا عندي غرفه وحده ومطبخ وحمام
وعندي ولد يعني مو لحالي
بس والله والله ضيق
هم طبعهم الاستقلاليه
يعني اجلس لحالي فوق لحد يوم جمعتهم
وبيني وبينكم الثقل زين وانا مو اجتماعيه بطبعي
عاجبني الوضع
اللي قاهرني كل اخوانه عندهم بدال الثلاث غرف واربع ومطبخ وكلش
مره كلمت خالي وقلت له ابيك تعدل بيننا انا والباقي لازم علي الاقل غرفه زياده
قال اصبري وربي صبرت 3 سنين
ولا اقدر اصبر
توترت علاقتي مع زوجي صرت عصبيه
لدرجه اني رحت اعالج بمركز نفسي
واخوانه الباقين يلعبون بالفلوس لعب كل سنه مسافرين وبكل شي مايقصرون علي نفسهم
بس صعبه اطرد اخوهم من بيتهم عيب والله وانا ما تربيت كذا
كلمت زوجي كم مره لدرجه انه معد يبي يجلس معنا يقول انتي تجيبين الهم
صار يطلع اربع وعشرين ساعه
وانا من الطفش كاني ساكنه عند اهلي يصبح الصبح واروح لهم وبالليل ارجع
كنه فندق
ودي اعيش باستقلاليه والله تعبت محد حاس فيني
لو اجلس يوم بهالمكان احس بنهبل
فيه كل شي اكل والنوم والجلسه
ما عمري حسيت باللي يحسونه البنات
والرومنسيه ابد
المشكله قبل فتره كلمت اخوه الكبير
ولا اعطي الموضوع اي اهميه
كاني خدامه عندهم ما كاني بنت حمايل
والله شي بيجيب العقل بالكف
قولو لي بنات وش اسوي
ما ابي اتهاوش مع زوجي ولا اكلم خالي مره ثانيه
مشورتكم..:06:
ـــــــــــــــــــــــــــــــــــــــــــــــــــــــــــــــــــــــــــــــ
هلا حبيباتي
ام زوجي متوفيه (الله يسكنها جنات النعيم)
وانا متزوجه اصغر واحد حالتنا الماديه مو كويسه ابدا..
واخوانه اللي عنده ارض واللي عنده اعمال خاصه
ودي لو يطلعون وانا اتوسع بس مره قلت كذا لزوجي وعصب قال بتطردين اخواني من بيت ابوهم
اذا بيطلعون من نفسهم ولا مافيه
طيب وش اسوي اقول لهم مثلا
وخالي اصبري اصبري
العمر يروح وانا ماتهنيت بالاستقلاليه بشبابي
وش فايده البيت اذا صرت عجوز
زينته بالشباب . صح
يلزم عليك تسجيل الدخول أولًا لكتابة تعليق.
MissCute
•
الله يفرج همك
الصفحة الأخيرة