الله يرزقك ويرزقني وكل بنات المنتدى وجميع المسلمات المحرومات ذريه صالحه لاتنقطع
يارب ماتشوفيها هذا الشهر وتكوني حامل وتفرحي وتفرحينا معك يارب

الغالية الاريج :

مشكورة حياتي وجزاك الله خير.

الغالية أم ميعاد :

الله يحفضلك ميعاد واخوانها الله يسمع منك يا قلبي ومشكوره على الدعاء ولك بالمثل.

الغاليةnasts :

يازين دعائك الله يتقبله منك يارب ولك ان شاء الله بالمثل حبيبتي.

الغالية رهف :

مشكورة حياتي وجزاك الله خير.

الغالية بنت نجد :

الله يرزقك الولد الي تتمنينه ومايضيع تعبك ولا تعبنا ومشكوره ياقلبي .

الغالية لمار :

الف شكر لك عيوني على الدعاء الله يسمع منك ولك بالمثل ان شاء الله.

الغالية واحة الخيال :

يارب حياتي الشهر هذا وبنفس الموضوع نبشرهم انا وانتي وكل الخوات الي يبون يفرحهم ربي ان شاء الله.

الغالية حنونة:

شكراً ياعمري على الدعاء الله يتقبله منك ولك بالمثل.

الغالية طالبة الأجر :

الله يجزاك الأجر الكثير ان شاء الله ، الله يسمع منك حبيبتي وافرح وافرحكم معي قادر كريم.


أخواتي الحبيبات :

أشكر لكم مشاعركم الصادقة اتجاهي والله يرزقكم بالي تتمنونه يارب، انا عن نفسي مادري بديت احس

انه مافي حمل مادري ليه احس الدوره على وشك واحتمال الليله بعد والله ماتدرون اشلون نفسيتي تعبت

وانا بإذن الله بس اتأكد ان كان فيه حمل او لا بقولكم على حلم حلمته قريب وغريب جداً ومادري ليه حسيت ممكن تكون رؤية تدل على الي انا فيه وعلى امتناع الحمل فهي حتكون لها معنيين سواء كانت النتيجة سلبية او ايجابية.

وانتضروني بإذن الله تكون النتيجة تسر وبقولكم وش حلمي وياليت تساعدوني في تفسيره لأني فسرته بطريقتي والي قلتلهم عليه كانت تحليلاتهم مشابهه.

سامحوني حبيباتي على الإطــــــــــــلة

والله يوفقكم كلكم ويعطيكم ماتتمنونه عاجلاً غير آجل.

السلام عليكم ورحمة الله وبركاته..

أول شي حابه أشكر كل وحده كتبت رد أو قرت الموضوع واشكركم جزيل الشكر على مشاعركم النبيلة..طلعت النتيجة أخييييييييراً وهي

إني مع الأسف لست حامل أقولها واتبع الحمد له الذي لا يحمد على مكروهٍ سواه، سامحوني بنات كان نفسي

أفرح وأفرحكم معاي لكن ماباليد حيلة والله يعلم إني الآن تعبانة جسدياً ونفسياً أمس مثل ماتوقعت كانت علامتها التي تظهر قبل بيوم واليوم توها مصبحة علي والله يعيني ابتدي في الخلطة الي عندي تمدحها قريبتي وأشوف لعل الله يحط فيها السبب والخير بإذنه تعالى والله يفرحنا كلنا قريب ونبشر بعض وياليت الخوات الي كتبو بموضوعي ويعانون مثلي ان الله رزقهم ان شاء الله يبلغونا نباركلهم وندعيلهم بالتوفيق في الحمل وان الله يتممه عليهم.
بارجع للسالفة الي قلتلكم عنها أيام الآلام الي انا كنت أحسها تحلمت أنه انا وزوجي نايمين ومتلحفين بالبطانية وبعدين حسيت بشي تحت عند سيقاني ورجولي واقول زوجي فيه شي معنا في الفراش قالي لا يتهيألك ومارتحت
قلتله والله فيه خلنا نقوم وقمنا كل واحد من جهته وشلنا البطانية الا هذاك الفار طالع من جهتي ويجري متجه على جهة زوجي وينزل من السرير ويتبعه صرصور كبير ونفس الشي وراه ، صراحة ارتعت من الحلم وقمت استغفرت ربي ودعيته وأول ماجا ببالي على طول مدري ليش السحر والله هذا الي ببالي وبما اني كنت شاكة في الحمل قلت تفسيره عمل سحر وراح باذنه تعالى وافتكيت منه وحملت وغير كذا كمان قبل فترة اسبوعين ثلاثة برضه حلمت بفار ميت واضنه كان على ايدي ناسيه لكن ريحته فضيعه وقلت لزوجي على الحلم وقلتله اذا مالله اراد انه احمل فاحتمال يكون الحلم يبينلي انه معمول لي عمل أول شي جا في بالي الشغالات الاندنوسيات ياما مرو علي اشكال وهذولا مايخافون الله وممكن بعد أهل زوجي لأن بيني وبينهم مشاكل وماستبعدها عنهم ودايماً ادعي الله يرد كيدهم لهم ان ارادو بي كيداً واتمنى ماضلمهم بس والله مافيه شي ماجربته خاصة واني جايبه ولدين الله يحفظهم بس الانتضار والناس الي طفشوني باسئلتهم واستفساراتهم شي مزعج .
كمان جا ببالي اني اخلي زوجي يحلل يمكن المانع منه لا تستغربون صحيح قد خلف لكن ناس يقولون الزوج ممكن تجيه حمى او شي وتمنع او تضعف الحيوانات المنوية يعني مافيه شي ضاهري واضح لكن قلت يمكن خلنا نجرب وكل شهر يقولي ان شاء الله ولا وده بالتحليل لكن وعدني المره هذي يوم شاف نفسيتي سيئه وعساه يوفي بس.....

سامحوني بنات على الإطاله لكن والله متضايقة من نفسي و الله وعموماً فوق كل شي يمكن الله ماأراد سبحانه وبدعي ان شاء الله واتمنى تدعولي دايمً لأن الموضوع هذا شغلني غصب والله كريم

:29::(:44:

ياعمري يامراميه

الله يرزقك بالبنت الي في نفسك امييييييييييييين
يارب تطلعي حامل انتى وكل بنات المنتدى و يعوضكم ربي خير

اقراي سورة البقره انا داومت عليها اول زواجي وحملت وفي اليوم الي ماقريتها فيها جاني نزيف وسقطت
اسمعي شريط اسباب منسيه وانشاءالله تستفيدي منه