بالله ايش رايكم يا بنات حواء بحيات الشغالات زيي

السلام عليكم ياخواتي ما اطول عليكم قبل مايدري ابو الشباب اني على النت
بالله ايش رايكم بحيات الي يعاملها زوجها كأنها اندونيسية يعني شغالها مايدري عنها ويتمشا ويسافر ويسوق ويروح مستشفا وهي ماتحصل شيء من هذا كله ساعات اقول بس الحمدلله بعض شغالات يحصلون ضرب من كفيلهم بس انا الحمدلله ماحصل ضرب منه كفيلي اقصدزوجي مايضربني بس مايعتبرني شيء ماعندي احساس اطفش وابي اخرج والله مايوديني حتى في البيت ماعندي تلفزيون ولا حتى يشحن جوالي جالسها في بدروم مايبي اجي احد ولا يجيني احد ايش اسوي بهذا الا نسان على رغم انه مطوع وسمعته زينه في ارجاء حينا وجماعتنا والي يتكلم فيه كانه يتكلم في الصحابة والصحابة كرامه
خواتي والله اني تعبت منه بالحيل حاولت بالطيب مافاد حاولت بالزعل والمخاصمة مافاد الحين حنا مزاعلين لا اكلمه ولا يكلمني تخيلوا راح يتمشا هو واهله ورجع ومعاه مواعين اهله حق التمشيه يبيني اغسلها قلت زين اغسلهاعشان نتمشا والانسافر بها قسم بالله انحن ماراح نخرج من البيت والله يابنات قدلي معه 7سنوات مقد مشاني الا مره ومن مكافئتي والله يا خواتي يحسرني ولدي عمره3سنوات يطفش ولايشتري له حتى العاب اقول اصبري يابنت الحلال وبكره ربك يفرجها حيات الشغالات احس انها افضل على الاقل مرتب اخر الشهر ايش راايكم ههههه وتقدر تهرباذا ماعجبها العيشه هههه ماعليش شر البليةمايضحك