خزامى ،
من جدك كل نص ساعه !!!!!!
مريضات و كذابات االلي قالو لك هالكلام ..
ولدي بالمستشفى العسكري يعطونه كل 4 ساعات
وبالبيت صرت اعطيه كل 2 ساعه ، طبعا نص الجرعه المحدده في علبة الحليب ..
انتي ماتقرين الجرعات المحدده في علبة الحليب من برا !!!
شوفيها وتاكدي من رضاعتك ،
ولو كنتي ترضعي طبيعي ممكن كل ساعه بس شرط انه يبكي

لو يرضع من صدرك الافضل يرضع ربع ساعه
ولو من الرضاعه اعتقد 5 دقايق كافيه

ميم
كيفك ياقلبي
شايفه ايووالله يقولون لي كذا كل نص ساعه حتئ لو نايم صحيه ورضعيه
بس ماسمعت كلامهم خليتها كل ساعه أو ساعه ونص اذ مابكي

هو يبكي مادري جوع مادري مغص مادري تغيير
مع اني اغيرله

الله يعطيك العافيه افتديني

ياحبيبتي
النوم عافية
اذا نام ولدك لاتصحينه عشان الرضعة
هو بيصحى كل ساعتين
او بالكثير ٤ ساعات
انا نفاس مثلك
واخلي ولدي احيانا ٤ ساعات اذا كان نايم ومرتاح
وماصاح
عشان يجوع ويشرب الرضعة الثانية كلها لحد مايشبع
اذا نام وطول بالنوم معناها مرتاح الحمدلله
ماهو جوعان ولايحتاج تغيير
ومو كل ماصاح يصير جوعان
لا
المغص يخليه يصيح وبهالحاله مالك الا تتوترين معه
لحد مايخف المغص


سبحان الله وبحمده عدد خلقه ورضا نفسه وزنة عرشه ومداد كلماته

لا حول و لا قوة بالله متاكده اللي نصحوك عندهم اطفال او امهات !!
شوفي و هالكلام هذا علمي مو من راسي المولود ينولد و فيه بجسمه دهون مخزنه تعرف بالدهون البنيه و هذي رحمه من ربي تضل تغذي المولود اول فتره علشان تقلل العناء عن امه

اكيد طفلك بينمغص و ما بيرضع و انه بيبكي و انت قالقه نومه و راحته و لا مقمطيه و مخنقه عليه بهالحر بعد لان هذي نصايح الحريم

اتركي طفلك براحته و اتركي الحليب الصناعي ليه ترضيعه صناعي و يا دوبه و الرضاعات ايش ما تكون جودتها اذا ما انغسلت و تعقمت بعد كل استخدام تجيب المرض للاطفال الان ولدك بحاجه ياخذ حليبك و بس لان مليان حليبك مناعه و فايده ربي خلقها فيه لسلامة طفلك و لا تفكري حليبك مو كاف الحليب ينزل كل ما الطفل رضع من الصدر

الغي الحليب الصناعي لان اساس المغص و الامساك

رضعي الطفل كل ما طلب الرضاعه مو عالوقت و ان و لا بد اقل شي ساعتين بين كل رضعه و الثانيه

لا تقلقي نومه ابدا

روشيه و لبسيه قطن ناعم

ادهني بطنه بمساج خفيف و حركه دائريه بشوي زيت زيتون دافي و الافضل دفيه بفرك ايديك

حراره الغرفه تكون عاديه مايله للبروده لا حر و لا برد ثلاجة

لفي على بطنه احزمه المواليد العريضه دفي بطنه و القماط ما له داعي مجرد لف خفيف ليسهل عليك تمسكيه و تتحكمي فيه

رضعيه بهدوء و بدون توتر لان هالشي ياثر عليه

خليه يتكرع و انت ساندتيه على كتفك بشكل طولي عشر دقايق و طبطبي على ظهره بهدوء ليطلع الهوا اللي بلعه مع الرضاعه

اتركيه ينام براحته بعد كذا و ان انمغص حطيه على بطنه بين ايديك او على رجولك و وجهه يكون باتجاهك علشان تراقبيه اذا لا قدر الله استفرغ و طبطبي على ظهره و عند معدته بهدوء و هزيه بحنيه يهدى و يروح مغصه باذن الله

انتبهي لاكلك لان كل شي تاكليه ينفرز بالحليب ابعدي عن البقوليات و البصل و الثوم و الحار كلها اشياء تمغص الطفل

اشربي نعناع و بابونج و ابعدي عن القهوة و الشاي و كثري خضار و فاكهه و اكل صحي و مفيد

و بالنسبه للبلغم لازم تاخذي لطبيب يطمن عليه و يعطيه اللازم اذا بحاجة

اهم نقطة دايما خلي القران شغال فوق راسه طوال اليوم و الليل يساعده عالراحة و الهدوء و يترسخ بذاكرته باذن الله