بالله شفتوا جني يغني وعاشق بعد ..!! ادخلوا بلييييييييز

السلام عليكم

أخواتي بقولكم سالفتي

أنا من زمان اعاني من اعراض غريبه جدا كل شيء ضدي
نادرا يتيسر لي شيء الا بصعوبه وطلعت روح
وناس تقول عين وناس تقول حسد وناس سحر
لما اكتشفت انه مس عاشق من عين وحسد من زمان
واذا سمعت طاري خطبه يجيني ضيقه وحزن لما افرض
بس لما يتقدم رسمي يجني الم فظيع اسفل بطني وظهري وكانه طلق وخفقان احس قلبي بيطلع من صدري

المهم مليت من هالحاله وقلت لازم ارقي نفسي واكون قويه بالله واتوكل عليه

طبقت الخلطات اللي هنا وسورة البقره والرقيه الشرعيه

بديت العلاج من يوم الخميس اللي راح
والحين بقولكم وش حسيت

اول مادهنت جسمي بالزيت المقري عليه مع شذاب

جاني ثقل بجسمي الى درجه لما اقوم كاني عجوز ودهنت المنطقه من السره للركبه بالزيت

وخفت الاحلام المزعجه التحرش الجنسي و وحلمت حلم شفتشخص من جنسيه اسيويه فلبيني يطبخ كلب مذبوح ومسلوخ ويحرك القدر كبيييييييييييييييييييييير مره ولحم الكلب لونه احمر لسى ماانطبخ

المهم التحرشات الجنسيه اللي اشوفها ماأثرت فيني زي اول كنت احس فيها ويصير معاشره بعض الاحيان اعوذ بالله

شفت اخوي الكبير بنفس اليوم كانه يهاوشني وانا اقول بنفسي خلاص ماراح اسكت له ماسويت له شيء
المهم طلعت ومسكت يده بقوه وكأنني اكبر منه يعني حجم جسمي ضخم وهو صغير بالنسبه لي وقلت الحين اقدر اضربه ومايقدر يسوي لي شيء

صحيت اليوم الثاني وسويت الخلطه الثانيه

قبل مااستخدمها جتني رجفه بجسمي وخفقان ونبض يمشي بجسمي كله
قلت غصب باستخدمها

شذاب يغلي على النار لمده ربع ساعه وخلطته مع سدر ومويه مقري فيها وتسبحت قبل المغرب بربع ساعه ونشفت جسمي وطلعت تبخرت بشذاب وقسط هندي

والله يابنات جلست يمكن لما صلاة العشاء وجسمي يرجف والم باسفل بطني وكان الدوره جايتني وانا من 6 شهور ماجتني تخيلوا
ونبض يمشي بجسمي ورفرفه زي جناح طاير برحمي وتتنقل بجسمي كله مع الم متوسط

ثاني يوم تخيلوا احلام تحرشات جنسيه متكرره بس الحمدلله مااثرت فيني لاني مدهنه جسمي بزيت مقري عليه البقره والرقيه مع شذاب

الغريب يابنات لو اقول لكم ماتصدقون
وانا نايمه جتني حاله كأنني بين النوم واليقظه
تخيلوا احس احد داخلي يغني اغاني عن العشق
اغنيه حسين الجسمي ياعاشقين
واغاني كلها عن العشق وانا اقاوم واقرا المعوذات وايه الكرسي وادعي
واقول بنفسي ماراح تقدر علي انا اقوى منك وبطردك
جلست يابنات بصراع مع نفسي لما صحيت الفجر تخيلوا
نومي كله صراع هو يغني وانا اقرا قرآن

حتى يابنات تخيلوا جوالي يدق واسمعه واشوف الانوار فيه لما يدق ولما اجي اشوف مافي مكالمات ابد
وجوالي يهز هزاز مره يصير صامت ومره عام وانا ماسكته بيدي اقرا من الاذكار
مدري يمكن يبي يخوفني

اصلا انا ماخفت منه وراح اعذبه واحرقه وانتقم منه بقدرة الحي القيوم

واستمريت على كذا كل يوم مع قرأت سورة البقره

بس لما اسمع الرقيه يجيني بجسمي قرصات ووخز خفيف يجسمي ونبض متنقل ورفرفه بجسمي ولما تقرب الرقيه تخلص

ينزل برجلي اليسار ويستقر فيها مع الم محتمل ونبض بسم الله

أحس اللي عندي عنيد لانه من زمان

بس انا اعرف اني اقوى منه بس كيف اعرف انه خلاص بديت اوصل لمرحلة الشفاء واقرا ايات الحرق والتنزيل او الاخراج

ماعندي خلفيه بهالاشياء صراحه

ولا عندي امكانيه اروح لشيخ يقرا علي ولا يجيني البيت

بنات اللي فاهمه بهالامور تنوري الله ينور عليها

من جد تعبت علشان كذا قررت اعالج نفسي لمتى نسلم اجسامنا وانفسنا لمن لايخاف الله << اقصد المس


دعواتكم لي الله يفرج همي وهم كل مريض ومرضه يارب