بالله شوروا يا أخواتي علي انا محتاره ومتضايقه

السلام عليكم ورحمة الله وبركاته,

صباح الخير يابنات""

اتمنى اي وحده تقرى موضوعي تكون بألف صحه وعافيه وتكون مروقه عشان ترد علي مو تدخل وتطلع واللي ماترد اتمنى منها بس دعوه في ظهر الغيب..

انا والله باقي لي أسبوع وأخلص الشهر التاسع وللحين ما ولدت,

انا ادري ان هذا بيد الله ووقت الفرج جاي عاجلا ام آجلا وانا ثقتي بالله قويه,

بس

انا بكر وخايفه من الولاده كثير خصوصا ان محد جنبي ,

وانا ما اقصد ابدا محد جنبي يعني وحيده

لا


انا عندي امي واختي واخواني

بس امي مريضه ولا ابي اشغلها بولادتي مع اني احسها شايله همي

واختي والده لها 15يوم وقيصري ولا تقدر تكون معي بالمستشفى

واخواني شباب ولا اقدر اشتكي لهم

انا فكرت آخذ ابرة الظهر واذا جاني طلق اروح المستشفى ولا اعلم احد وهناك اخذ الابره وربي معي وخلاص

لكن

انا لساني طويل وعلمت اختي بنيتي هذي

وخوفتني وقالت لا انتبهي ولا تتلقفين ومن هالكلام

بس انا في عقلي اقول هذا الطب تطور وكل ماله للأمام وحصلوا شي يهون الالم على الحامل ليش ارفض هالتطور عشان كلام حريم

هذي تقول يجيب شلل

وهذي تقولي ظهري يعورني من ولدت للحين

والخ الخ

وامي واختي ماشاء الله ورا هالعالم راميات أذنهم ويخوفون فيني انا هالمسكينه اللي اول مره امر بهالتجربه

ووبعض الوقت اقول اخاف كلامهم صح واورط نفسي وبكره انشل ولا تصير لي بلوه

ولكن

انا شخصيتي وطبعي دايم ما اسمع لاحد ابدا واسوي اللي براسي الا هالمره ترددت

ودايم اهلي يقولون انتي عنيده ولا تسمعين نصح احد واذا صار لك شي لاتجين تشتكين

عالعموم احس اني طولت

بس باختصار

كان موعدي عند دكتورتي اليوم

وسألتها عن ابرة الظهر وعواقبها

قالت لي ان كثير اخذوا عندها وعادي وفتحت ملفي عشان تحط لي طلب ابرة الظهر عشان لاوصلت الطوارئ يعطوني الابره طوالي

بس مسكت ايديها ومدري ليش خفت وقلت لها اصبري بفكر وبرجع لك بعد 3ايام

اولا : خفت لاني ماعلمت امي ولا اخذت راضاها

ثانيا: كلام اختي والناس رن باذني وقتها :(

ولما طلعت من عند الدكتوره قلت انا هبله كان طلبت الابره وتوكلت على ربي وخلاص:angry2:

اول مره احس اني شطوره او ماعندي سالفه واسمع كلام الناس

شرايكم انتوا يا بنات

اتوكل على ربي واصلي الاستخاره بدون ما اعلم امي واختي

او

اطنش واخلي هالطلق يجي ولا ولدت اسوي زي الحريم واقول (شفت الموووووووت بعيوني) هع هع

وما تكمل سنه الا هي حامل ثاني لا قالوا حرييييييييم

انا خايفه اختي تكتشفني لانها معنا هنا بالمنتدى وتقرى موضوعي وتعلم امي خخخخخخخخخخخ

وتي تي زي ما رحتي جيتي

<<<يارب اختي ماتقرا الموضوع

وتقبلوا تحياتي

والللللللللللللللله يهون علي وعلى جميع الحوامل يارب آمين