بالله طفح الكيل الي حواليني جننوني بتصرفاتهم

السلام عليكم بنات
بقولكم سالفتي الي تنزفز وما عندي حد افضفض له غير الله وانتو لان محد عندي ينصحني كلهم يطنشوني اقرب الناس لي يعاملوني كني وحده غريبه حسبي الله عليهم
طبعا مب كل مره ولكن اكثر الأيام معاملتهم نفسيه وأحيانا معاملتهم حلوه وزينه ولكن الأكثر ينرفز مدري ليش..
اولا طبعا زوجي دائماً ضدي ودايما اذا سولفت او فضفضت ضدي وكل الناس صح وانا الخطا ويفضل اهله حتى الشغالات بيفضلهم علي وهو يعرف من الغلط ولكنه يريد ينرفزني باي شكل من الأشكال علي المهم خلاص صرت ما اتكلم معه وهو اصلا ما يتكلم معي..
ثانيا انا عندي اخت وحيده وكم سنه الحمدلله ارتحنا معها ما قصرت معي ومع عيالي تطلعنا وتونسنا وافضفض لها والحمدلله.. لكن امي تجلس توشوشها لما تجيها ايام تنقلب وتوسوس اختي انه ما تطلعنا وما تسوي وما تسمع كلامي وطبعا اختي ترضخ لامي ولكن الحمدلله استمتعنا مع اختي كم سنه.. ولما صار عمرها٣٠ انا واخوي نصحناها تتزوج لانها خلاص كبرت واذا رفضت يمكن محد يجيها والي تقدم لها الكل يمدحه والحمدلله وهي بالاول رافضه ولكن وافقت بتشجيع منا..
والحمدلله زوجها مو مقصر معها وهدايا وطلعات وجميل الشكل.. واكبر منها ب٣ سنوات تقريبا.. وهو عنده وظيفه واختي مرتاحه ولكن احيانا تحس نفسها انها تسرعت فالزواج منه..
المهم فرق بين السماء والأرض بين زوجها وزوجي..
ولكن زوجها مشكلته يشك فيها اذا مسكت الجوال وانا طبعا اريد اسولف مع احد واختي الوحيده الي ارتاح لها ويقول لها زوجها النذل لا تخبري اختك باي شي وصارت تقلل من مراسلاتها لي والسبب الملعون زوجها وانا قلت لها خلاص ماراح اراسلج..
ومن جهه امي هاوشتني وليش أراسل اختي وهي خلاص متزوجه طبعا امي تفصل كثير واذا تكلمت تعطي قنابل وقذائف مالها داعي.. امي تحب تفتن بيني وبين اختي صارت اختي لما تجي ما تسولف معي وتطنشني وتروح عني صارت مب مثل اول..
صرت عصبيه جدا من الي يصير وكلمت امي عنها وبلغلط من قهري تكلمت عن زوج اختي انه قصير وردت امي وانتي زوجك شو نفس الشي قصير وزوج اختك جميل وكل البنات يتمنونه وووووو يعني مقارنه مع زوجي..
امي بين فتره تحب تعق علي قذائف وتحب تفتن لما تشوفني انا واختي نسولف تخلي اختي تنقلب علي فجاه.. لا تقولو يمكن الحين لما تزوجت لا امي من زمان كذي اعرفها تحب تفتن بين الناس الي يصيرو فجاه زينين معي..
حتى الشغاله تفتن عليها وتخليني أنازع الشغاله.. وهي المسكينه تشتغل..
وطلعت امس من بيت اهلي زعلانه وأفكر اليوم ما اروح والسبب حركات امي الي تقهر..
ولكن انا اريد اطلع مليت من الجلسه فبيت أهل زوجي وعيالي ملو..
طبعا انا بغيت ابنى لي بيت بس امي اصرت انه زوجي هو الرجال وهو الي المفروض يبنى مو كل راتبه لاهله..
ولي الان كم سنه لا عندي بيت ولا شي..
وكل مره تقول لي شاركي مع اختج واقولها لها اوكي عادي مب مشكله ومن ورأي معرف شو خططها..
لان امي أيضا تقيس النبض لما تشوفني متحمسه على شي تغير رايها.. تشك طبعا
مثال لما اقولها اريد أشارك مع اختي ونأخذ عقار وكذي امي تشجع ويعدين توسوس اختي انه ما تشارك معي لانه عندي عيال ويمكن عيالي لما يكبرو بياخذو *** اختي..
شفتو كيف تفكير امي وهذا السبب لي الحين ما تحركنا فاي شي
وامس كان عرس جيراننا أثرياء قالت امي قبل أسبوع روحي انتي واختج العرس وانا تحمست لاني بطلع ولكن امي امس قالت انتي لا تروحي العرس..
امي اول تقول كلام وتقيس النبض وبعدين تغير رايها..
لا تدافعو عنها لاني اعرفها زين..
نفس الشي بيت أهل زوج اختي عاساس نروح نشوف شقتها باول امي قالت لي روحي والحين تقول لا و تطلع حجج..
غريبه جدا امي بصراحه ما فهمت هذا الانقلاب