اول مالبست العبايه على طول رحت مع جدي الله يرحمه للسوق وشريت جزمه كعب على بالي الي تتغطي تلبس كعب واسبوع ادور بالحوش اتدرب امشي بها اخر شي ذبيتها ورجعت للكوتشات خخخخخ ياحلو ذيك الايام وياحبي لجدي الي مطاوعني

اانا تغطيت يوم دخلت المتوسطه واحس استحي احد يشوفني بعبايه واذا رحت لناس افسخها عند الباب واحطها ورى الباب ههههههههههههههههه
وغير كذا البس غطاء طبعا امي ماتبي النقاب

والغطاء اقرضه اقرضه وتصير فتحه صغيره واشوف معها والا كل شوي افتح الغطاء بالشارع عشان اشوف وارجعه حتى بالسوق او اني اشوف مع الفتحه اللي انا مقرضتها وابوي يهاوشني يقول ياشيلي الغطاء يا لاتفتشين تفشلينا يحسبونك حرمه كبيره وتسوي حركات هع تشوفوني تقولون هذي زي الشغالات اللي يلبسون عبايه ومايعرفون لها

روعه موضوعك اتذكر اول مابلغت بسادس كان يوم خميس واقلقت ابوى صياح ابغى عبايه لانالسبت مدرسه وخايفه نطلع البر ومحد يضمنلى عبايتى غبااء المهم راح س 9 ابوى وجاب لى العبايه وع طول رفعتها بكيسها بغرفتى المهم ركبنا السياره ورحنا البر ومرينا ع عمامى عشان نطلع مع بعض قالى الوالد انزلى وقولى لعمك يالله وانزل مشووته وبجامتى الحمرا كاشخه بنطلون ومتحمسه ماحسيت الا شده شعرى وارجع ريوس الوالد ربى حفظه قالي تعالى تعالى تبغى عبايه ولالبستيها رجعنى البيت ولبستها ورحت البروانا اصيح

اجل انا غطاتي سالفة يحليلي كنت احب ذا العباية واحب اسوي نفسي حرمة كبيرة لدرجة اني كنت البسها واذا رحت لاحد ماشيلها من على راسي >>>>>>فرحانة المهم ساعة اتغطى عن ولد عمتي واستحي وساعة افصخ الحيى واسولف معة فاتشة الغطوى الا ليت الزمان يعود يوما

ههههههههه
الله يسعدج أنا لبست الحجاب أول إعدادي والعبايه داخله ثالث اعدادي وتغطيت ثاني ثانوي ههههههه


بس كنت أذكر استحي اتغطى ولما لبست الحجاب كنت استحي جني مسويه جريمه هههه أيام البراءه