بالله عليـــــــــــــكم وش رايكم فيهـــــــــــا ؟

السلام عليكم ورحمة الله وبركـاتة


ببدء ع طول هذى وحدة من اعرفها من فترة

نزور بعض بأنتظـام في البداية كانت حبوبة وعسل متعاونة

تشكى لى واشكى لها ,مع مرور الوقت بدت تتغير

كانت متواضعة نوعاً ما, صارت دائمة الانتقاد
إذا شافت عندى اى شى قالت هذى مو حلو وليش ماتغيرين

غيرت جوالى بعد ماتعرفت عليها بفترة بعد فترة قالت ليش ماتغيرن جوالك

لاتصيرين بخيلة ع نفسك <<انا مو بخيلة بس الجوال جديد هذا اولاً ثانياً عندى اشياء اهم ابى اجيبها

مايصير كل يومين اغير جوالى سلامــات !!

طبعاً هي تقولى هالكلام لانة مشاء الله دايم تغير جوالها ماتستقر ابداً

إذا جلسنا مع بعض قالت خلى زوجك يجيب لك لاترحمينة خلى يحط لك ويسوى لك اللوى ذراعة لاتصيرين ساكتة قوى عينك عشان مايشوف غيرك ؟!!!!

طيب! هذاشى الشى الثانى اكتشفت انها تكذب على كذب مو صاااااحى

تقول انا جبت وانا حطيت وتطلع بالاخير السالفة ملفقة وتجينى اخر الشهر مفلسن يتسلفون عشان يجيبون لبنتها بامبرز تخيلوووووووووو!!!!:mad:

تخيلو قلت لها والله محتارة زوجى يقولى بيجيب لى هدية وانتى اختاريها لانة كل سنة الله يطول بعمرة يجيب لى هدية من اختيارى غير الهداية الثانية فقلت خلاص ابختار جوال آيفون ,تخيلو وش جاها يوم قلت هالكلام
بققت عيونها بالارض وقالت آآآى خلاص جيبى آيفون بس ماعجبنى يخرب بسرعة ؟!!<<متى جربتية عشان تحكمين ولا الغيرة ذابحتك!!

وقبل فترة رحت عندها قالت ترانى شريت آيفون بـ4500 رياااال بس ماعجبنى حيل ماعجبنى وع !!

قلت وينة قالت بعتوة ماعجبنى مع العلم لقيتها مغيرة جوالها بس نوع ثانى مو ايفون وقديم اشوى والطريف انة تاتش(لمس) يعنى نفس نظام الآيفون ,,,ووااااااضح من كلامها وحركاتها انة كذب xكذب

كمان اكتشفت انها نصبت على حسبى الله عليها ونعم الوكيييييييييييل تخيلو انا كان عندى ظرف ماكنت اقدر اطلع براء البيت فجت عندى وسولفنا قالت لى في طقم تايور يجنننننن شريتة خياال وجلست تمدح فية وصلتة السماء ,,,,,

والكل سئلنى من فين جبتة... انا مثل اى بنت تحمست.. هي حست وقالت خلاص ابروح السوق واشتريلك مثلة بالظبط قلت جزاك الله خييير قالت سعرة 250ريال قلت خلاص ودخلت جبت لها المبلغ وكان ناقص 50 اعطيتها ال 200 وقالت ولا يهمك انا بحط الباقى من عندى قلت لا عيب مايصير وجلست ادور الين لقيت 50 ريال واعطيتها >>ع نياتى الله يعين الصادق .
راحت وبعد يومين جت ومعها كيس والله يابناات انصدممممممممممت الكيس صغييييييييييير
قلت ياربى وش ذا الطقم اللى جايبتة وطلعت من الكيس تنورة سودار قصيرة تحت الركبة وبلوزة بيضاء خفيييييييييفة لو شديتها اشوى انشقت وصديرى يفشششل الازرار شوى وتطيح :icon33:
تخيلووووو هذ الطقم كلة شفتة بالخيمة اللى يجيبونها المتنقلة إن شاء الله عرفتوها وهي قالت لى بتقطع مسافة 80 كليو عشان تروح تجيبة من المدينة اللى جنبنا وهى كذااابة راحت جابتة من الخيمة ورجعت بعد يومين وربى ماتتعدى القطع كلها مع بعض 60 رياال والله يابنات انغبنت غبن بحيااااااااتى مانغبنت مثلة ليييييية لييييية كذا بس وش سويت لها تسرقنى عينى عينك والله ماأساااامحها واكون خصمها يوم الدين
يعنى لو كانت محتاجة فلوس وطلبتنى مابردها لاكن توصل فيها المواصيل تسرقنى وعيان بيان هذى اللى بجد سبب لى صدمة :44:

الحين لى فترة ما اروح عندها ولا اكلمها وهى تدق بس ما أرد اللى قهرنى يابنات انى اشوفة مو محتاجة مشاء الله كل شى تبية تجيبة رجلها مشاء الله يقول لها سمعاً وطاعة انا ما أحسدها وانا بعد زوجى مكرمنى والحمد لله
بس ليش تسوى كذا تسرق ,تكذب ,تنتقد, تحرضبالرغم انى والحمد لله كشخة واحب الفن حتى هي اعترفتلى بالشى هذا بس اوقات تقول ليش ماتغيرن جوالك ليش ماتغيرن بيتك سوى وسوى <<اش دخل ابو جدك اغيرة ولا ما أغيرة كيفى :angry:

بناات سامحونى معليش كلامى مو مرتب بس مقهووورة وكتبتلكم ابى افضفض لكم وتلاقون لى حل
كذا مرة بغيت اصارحها واقولها ترانى عرفت الاعيبك بس احس انى بأنفعل ويمكن اسوى شى ماأبى اسوية

تكفوون ساعدونى لانها ارسلت لى مسج تخبرنى بولادتها مدرى وش اسوى <<ترى انا قلبى طيب عشان كذا لاتستغربون والله يعين الصاادق في هالزمن اللى مايرحم :44: