بالله عليكم ادخلوا و احكموا بينا و انا راضيه حكمكم

السلام عليكم ورحمة الله اخواتي
انا مش عايزه اطول عليكم انا حماتي عاملالي مشكله لاني ماعزمتهاش على فرح اخويا و طبعا ابنها هو السبب لان اخوه تزوج من تلات سنين و هي اتصلت بامي قبل الفرح بيوم تقول لها بكره فرح ..... بس مش عارفه المكان و الزمان و ابنها اللي هو العريس قال لها نفس الكلام فطبعا امي ماراحتش لان اعتبرت اللي حصل ده تطريقه بالذوق و انا رحت و جبت له هديه لا وعملت لاخوه العشاء مع ان ده على اهلها و كل ده علشان عيالي مش علشان زوجي لان احنا مافيش بينا عمار اصلا و كنت دايما اسال عليها حتى لما حمايا الله يرحمه و يغفر له و يوسع قبره و يدخله الجنه توفى انا اللي كنت اروح واعسال و اعمل لها الاكل اللي تحبه مع انها صغيره مش كبيره في السن وبعين لما زوجي تعب بلكلى ما حدش سال عني و لا عن عيالي و لا اي شيء فانا قررت ان الحكايه تكون شويه رسميه في المناسبات فقط و جه فرح اخويا قلت لزوجي انا رايحه اعزم امك على الفرح قالي و امك ليه ماتعزمهاش قلتله و هو ده اللي حصل و الله شاهد على كلامي قلتله امي ماعزمتش حد قالت انا عندي بنتين ماشاء الله عليهم احسن من يتحمل المسؤوليه هم اللي لازم يشيلوا الهم عني (قصدها انا و مرات اخويا الكبير) قاللي ياسلام و فلانه قلت انا اللي عازماها و اسال و سالها و عرف ان انا اللي عزمت مش ماما راح قاللي عيب عليكي لما تروحي تعزمي واحده زوجها لسه ميت على فرح قلت ابوك ميت من سنتين قاللي انا امي مش عايزاكي تعزميها و مش بتروح افراح قلت انا حعزمها و خلاص جت اهلا و سهلا ما جاتش احنا بنعذر الناس قاللي لا ماتروحيش و مالك دخل بامي
فوجئت ان احدى جاراتها لاننا ساكنين بنفس المنطقه بتقول ان حماتك زعلانه انك ماعزمتيهاش و دايكا تقول انك مزوده مصاريفك وان كده حرام
طبعا انا ذهلت لا انا اللي بصرف على البيت مش زوجي لانه ضارب الطناش من زمان وماله دعوه بالبيت او العيال او غيره وانا خلاص ما بقيتش اساله حاجه وعمري ما سالتهم انا باخذ من اهلي ومش حقول غير حسبي الله ونعم الوكيل هي مدخله في راسه انه يتزوج عليا علشان يجيب اولاد وانا ما منعتش حد
دلوقتي انا اتصرف ازاي معاهم انا خلاص تعبت و ماحدش يقولي اتطلقي لان البيت ده انا اللي عملته من الاول للاخر و انا اللي مخلياه مستمر بفضل الله و ده بيتي انا و حقي و حق عيالي و انا كافيه خيري و شري و تقريبا مش بروح ولا بكلم حد حتى التليفون البيت شلته علشان ماحدش يقولي كلمتي اهلك واهلي لا
لو انا غلطانه قولولي و مش حزعل بس ارجوكم شوفوا لي حل انا فعلا تعبت و ماليش اخوات غيركم وامي الله يشفيها مش ناقصه دللوني الله يجزاكم الخير