تكفون حلفتكم بالله كل من تدخل ترد ولو بدعوه ولاتنسون ان الملائكه ترد عليك ولك بالمثل....
ابدخل بالموضوع من دون مقدمات انا زوجي له اكثر من سنه متوظف في قريه بالشرقيه وحنا ساكنين في قريه تبعد عن الرياض ب200 كيلو متر وكل اسبوع يروح لها الديره السبت او الجمعه ويرجع الثلاثاء والخط طويل وكل ماحاول بنقل تصعب الامور لانه صعبه ينقل من منطقه الى منطقه الا بواسطه او اذا وجد بديل وطبعا مافيه احد يقبل يروح لها القريه لانها مقطعه تخيلوا كان ابسكن فيها معه بس مافيها غير عماره وحده شقق وكل المستاجرين عزاب ولا فيهاسوبر ماركت ومافيها الا صيدليه وحده وانا معي بنتي لسى صغيره والله صعبه نعيش فيها وانا الحين على وجه ولاده وتعبت كل سبت اجمع اغراضي واروح لاهلي والثلاثاء ارجع لبيتي عشان استقبله بعد التعب والخط الطويل نفسي احس بالاستقرار لاتقولون ليه ماتقعدين ببيتك صعبه اقعد فيه اربع ايام لوحدي وماعندي احد تكفون طالبتكم تدعون له بالنقل وان ربي يسهل اموره عارفه طولت عليكم الله يسعدكم ويحقق امانيكم يارب وسامحوني عالاطاله....
أم هيونه الحلوه @am_hyonh_alhloh
عضوة فعالة
يلزم عليك تسجيل الدخول أولًا لكتابة تعليق.
*ملامح حزن*
•
الله يفرج لك همك بتتسهل ان شاء الله بس اصبري اختي
الصفحة الأخيرة