انتى تتزوجينه لأن عمرك تقولين كبير.. ؟؟ طيب وشنهو المشكله يعنى بس تتزوجين وتتطلقين او تمرين بتجربه مريره تقلب حياتك فوق تحت ...؟؟؟ ليه طيب .. الزواج ماهو كل شىء .. الله يكتب لك الأفضل منه ...
بعدين انتى متدينه مره مره .. وتتكلمين معه مسنجر ..؟؟ على فكره المسنجر مثل التلفون لكن هذا صوتى والثانى كتابى ...
نصيحتى لج .. تبتعدين عنه .. اجلسى فى بيت أهلك أفضل لك من هالزواج اللى فيه تناقضات كبيره ..
واضح من كلامك .. انه معجب بزوجته البريطانيه .. لأنها تجيد مهارات خاصه ..< وهذا اهم عند الرجل من الطباخ والنفاخ .. يعنى هو معجب فيها .. بس يبى يتزوجك لأجل يربى بنته تربيه دينيه صحيحه ..؟؟؟ وانتى ؟ وينك من هذا كله...؟؟؟ انتى منسيه بهالزواج اللهم الا انك تربين بنته ... يعنى بيتزوجك مو لأنه يبى ملتزمه وهو ماهو ملتزم على قولتج ولا يعرف من الدين الا الصلاه .. شنهو هالدين هذا ..؟؟؟ اسمحى لى هو متناقض ويبيك مربيه .. وانتى تبينه كزوج .. هذا اللى فهمته .. وانصحك لوجه الله .. لاتتزوجين لمجرد يكون اسمك زوجه .. واسمك متزوجه ..
انتظرى نصيبك يجى بالأفضل منه واللى يستاهلك انشاءالله .. هذا شكله دايخ ولاهو يم الزواج.. انتى عرفتى عنه هالتناقضات وانتى بعيده عنه .. اشلون لما تتزوجين وتكونين قريبه منه ؟؟؟
وبعدين تعرفين انه يموت بزوجته ويحبها ومن كلامه واضح انه معجب فيها .. بس ذابحه الدين على بنته .. هذولا الخليجيين .. وبعض وليس كل المتدينين .. يحب المرأه المتحرره.. والغربيه .. ويعشقها .. ويبى عياله يتربون تربية دينيه .؟؟؟؟ كيف مادرى .. انتم قولوا لى

انا انصحك بتركه والابتعاد عنه كليا لان الواضح من كلامك عنه انه مستعد يتغير ولكن بالكلام بس اهم شي ياخذ ملتزمه علشان يبري ذمته من ناحية بنته لانه حاسس بالذنب تجاهها وانصحك حبيبتي بملتزم تعيشي حياتك معاه بهدوء واستقرار افضل لك من الصراع مع هذا

جزاكم الله خير

اختي محتاجة قلب

هو متاكد ان زوجته ماراح ترضى بضرة يعني راح اكون انا وهو والبنت في البيت بس

منو قالك ارضى اني اكون مربية فقط

لا يااختي ابدا مو انا

اصلا قلت له ليش ماتجيب مربية مسلمة من الدول العريبة تربي بنتك تريبة طيبة وتكون كبيرة في السن

لانك واضح ماراح تنبسط بأي عريبة ولا اي مسلمة انت مغرم بالغرب وبزوجتك

والله مافي مرة الا يقول ايش جمال واايش رشاقة ولا بعد ارسل لي صورتها

والله والله انها عادية جدا جدا بس ماخذة عقله بتصرفاتها

ويمكن حنا العريبات يوم نتزين بأبسط شي ولا من غير زينة اجمل منها

بس مارضيت اقوله اي شي ولا رضيت اقوله اني زين منها

سكت وقلت له بارك الله لك فيها

وامري الى الله وبس انتم لا تقصرون في ردوكم ابدا راح ارسلها له ايميل عشان يعرف اني ما ارمي نفسي كدة وبس

صدقوني مافي الان ماسنجر ولا هم

الان تفيكر بعد ما عرفت مبادئه ترى هو مو فاسد ولا طايش ولا يشرب خمر ولا شي

هو عنده معتقدات غربية في دينه كثير مما مثر على ناحية اسلامه

واسأل الله لي وله الخير

اذا بتتزوجينه فقط لأنك حاسه ان البنت في رقبتك ولأنك تبين تهدينه... هذا مو سبب للزواج...

الزواج لازم يتم بقناعه تامه في شخصيته واخلاقه ودرجة التزامه

فكري في نفسج واذا على البنت أهله أمه واخواته يقدرون يربونها ..
المهم القناعة اذا مقتنعه وافقي ,,, والله يوفقج لما فيه خير لج يارب..
واستشيري إلي فاهمينج وعارفينه ..