بسم الله الرحمن الرحيم
انا مش عارفه المفروض احط الموضوع فين بالظبط ويا رب لو مكانه غلط المشرفين يصلحوا وضعه
بنات بالله عليكم بالله عليكم فى الشهر المبارك ده واحده فى امس الحاجه لدعاكم بصوره محدش متخيلها
ادعوا لفكريه بنت فاطمه بالله عليكم ربنا يفرج كربها ويفرح قلبها عاجلا غير آجل
هيا قريبتى وسبحان الله هيا مبتلاه بولد عاق عقوق لا يوصف وصل لحد الاهانات بالشتائم والضرب كمان
الولد بقاله 10 سنين فى الكليه وتقريبا مش بيخلصها نكاية فيهم
للاسف الولد مدمن ويا ريته ادمان من الانواع المعروفه كان يبقى سهل ده اسوا انواع الادمان وارخصها وهوه نوع شرايط حبوب الشريط بجنيه ونص وحسبى الله ونعم الوكيل فى كل صيدلى بيتاجر فىالحبوب دى وهوه عارف كويس مين اللى واخدها وهايعمل بيها ايه وياخد كام شريط على بعض ويفضل نايم يومين ويصحى يومين بشكل مستمر
الولد دخلوه اكتر من مره مصحات ولا فائده
الوضع وصل لدرجة انهم بيدوله اللى هوه عاوزه خوفا من الفضائح اللى بيعملهالهم اكتر من كده قريبتى بتبات مع بنتها وتقفل عليهم الباب بالمفتاح باليل خوفا من الولد على اخته استغفر الله العظيم والمشكله انه خدوم ومحترم مع الناس اللى بره جدا...... انا واحده من الناس بتكسف من كونه قريبى ربنا يكون فى عون امه هيا واللى زيها
بنات مصر اللى يعرف مكان معالجة ادمان صح مش ضحك على الناس وامتصاص لفلوسهم وخلاص يدلنى عليه الدكتور بيسحب كل شهر مش اقل من 10 تلاف لى الفاضى والمستشفى الاسبوع ب 15 تقريبا وبلا فايده
انا سمعت ان فيه مستشفيات بتدخل المدمن فى حالة نوم وتسحب المخدر من جسمه وبعد كده بتبقى فترة تأهيل وعلاج نفسى
اللى يعرف مستشفيات محترمه او مراكز مسانده اللى بتبقى من المدمنين اللى اتعالجو يدلنى
ارجوكم بالله عليكم الدعاااااااء قريبتى وجوزها مدمرين نفسيا وجسديا ؟............ استغفر الله العظيم الراجل وصلت انه قفل المصحف فى لحظة يأس من ابنه الوحيد وقال كفايه قرآن وصلاه مفيش فايده لولا رحمة الله ومساندة زوجته
بالله عليكم الدعاء الدعاء الدعاء
والشهر المبارك 30 يوم ماتبخلوش عليها بيوم دعوه للصائم عند افطاره
جزاكم الله خيرا وحفظ ابنائكم وابناء المسلمين جميعا من شياطين الانس اللى بتدمر البيوت
والسلام عليكم ورحمة الله وبركاته
سمسمة***** @smsm_8
محررة
يلزم عليك تسجيل الدخول أولًا لكتابة تعليق.
لاحول ولا قوة الا بالله
والله انها مصيبه
الشكوى لله مالهم الا الدعاء
وان شاء الله بنات مصر يفيدونك في المصحه اللي ممكن تدخلينه فيها
الله يشفيه ويعافيه يارب
ويصبر اهله
والله انها مصيبه
الشكوى لله مالهم الا الدعاء
وان شاء الله بنات مصر يفيدونك في المصحه اللي ممكن تدخلينه فيها
الله يشفيه ويعافيه يارب
ويصبر اهله
الله يعينهم يا رب و يشفي ابنهم من الادمان
حبيت ادعي معاهم لكن ما عندي اي فكرة عن طلبك لاني مش مصرية.
حبيت ادعي معاهم لكن ما عندي اي فكرة عن طلبك لاني مش مصرية.
الله يعينهم يا رب و يشفي ابنهم من الادمان حبيت ادعي معاهم لكن ما عندي اي فكرة عن طلبك لاني مش مصرية.الله يعينهم يا رب و يشفي ابنهم من الادمان حبيت ادعي معاهم لكن ما عندي اي فكرة عن طلبك لاني مش...
ربنا يكرمك يا رب احنا بندعيله الحمد لله انا طالبه منكم تفتكروه بدعوه بظهر الغيب
ربنا يتقبل منك يا رب وبالله عليك دعوه بظهر الغيب
يا رب يكرمك ويتقبل منك والدعاء الله يكرمك ماتنسيهومش
يا بنات الله يكرمكم الدعاء الدعوه بظهر الغيب مقبوله ان شاءالله
ربنا يتقبل منك يا رب وبالله عليك دعوه بظهر الغيب
يا رب يكرمك ويتقبل منك والدعاء الله يكرمك ماتنسيهومش
يا بنات الله يكرمكم الدعاء الدعوه بظهر الغيب مقبوله ان شاءالله
الصفحة الأخيرة
عليك بالدعاء له وقت الافطار في رمضان
فدعاء في هذا الوقت مستجاب