بالله عليكم ساعدوني الله يحفظكم

اخواتي الغاليات كتبت موضوعي ماادري فين بس محد رد لأنه كان في رد ع الاخوات وليس موضوع مستقل
والان ابغااكتبلكم مشكلتي واللي عندها معلومه تفيدني وربي مايضيع اجرها
دكتوره نسا وولاده كتبتلي حبوب تنشيط الغده ٥٠ عشان تنشيط المبايض وهذا الكلام من سنين وماكنت اهتم ولا استعملها بانتظام ومن التحاليل ماكنت احتاجها اصلا لكن حسبي الله عليها
وبعدها صرت اخدها ٥٠ وكان ماشي الحال كان عندي تسرع في البراز بس مره في اليوم وكانت تجيني الدوره غزييره جدا اول ٣ ايام وماحطيت ف بالي
وبعدها هذي السنه دكتور قلي زودي ل ٧٥ كل هذا وانا اصلا ماكنت محتاجه اخدها وزودتها لمدة ٣ اشهر
جاني خوف وقلق وتوتر و ارتفاع ف هرمون الحليب قبل الدوره الم فظيييع في الصدر ومايروح اول ماتنزل الدوره كالعاده
واخذت ادويه نفسيه هذيك الفتره من شدة الخوف اللي صابني
وبعدها جاني ارتفاع في الحراره و متأكده كان بسبب دوا الغده
اخدت المضاد يومين وبعدها بدأ معايا اسهال فظيع بعد كل وجبه
طبعا وقفت كل الحبوب فجأه الغده والمضاد والنفسي
والان ٥ اشهر وانا اعاني من الاسهال بعد الاكل
و طبعا غازات واضطراب فظيع في الجهاز الهضمي ومااقدر اكل اي شي
والدكتوره قالت جرثومه واستعملت المضاد ولا فرق اي شي
انا غلطت ووقفت حبوب الغده فجأه والمفروض بالتدريج
مع انه لما عملت التحاليل كم مره الدكتور يقولي لاتستعملي خلاص حبوب غده ماتحتاجي 🤔طيب كيف !!
معناته كانت الجرعه زايده لأنه ماعملت التحليل الا بعد ماوقفته ب ٣ اسابيع
جربت الدكتوره عزه في الوطني وغاده في البترجي و في واحد في البترجي تحت جربته ورحت للكايد مااعطوني شي
والعسكري في المدينه وعيادة في الابراج في جده مااتغير شي
ابغا دكتور استشاري غدد ممتاز ومجرب في المدينه وفي جده
وابغادكتور استشاري جهاز هضمي ممتاز ومجرب في المدينه وفي جده
واللي عندها اي فكره عن الموضوع تتفضل تفيدني
والله يحفظكم ويجزاكم خير