انتي الغلطااانه

من اول ماجات كان اخذتيها بعد الاسبوع الاول وديتيها كبينه وبعد ماتكلم تقولين لها مره كل شهر تكلمينهم واعطيها راتب شهر مقدم ترسله لاهلها بعد كذا سوي لها حساب خاص حطي راتبها فيه تبي ترسله تبي تطفحه هي حره
عشان لا تتعبين

حبيبتي طلعي لها جوال شحن وخليها تشحن من راتبها وريحي بالك منها وقولي لها إذا تبغين تكلمين على حسابي مرة بالشهر وبس
وأنا شغالتي بنقالية غثتني وما فيها جميل قد ما تعطينها ما تشكر وطول الوقت بس تتشكى الله المستعان عليهم بس

وسعي صدرك ياقلبي لان توها جايه ماتعودت على الجو وعلى بعد اهلها

انتي امسكيها وفهميها
قولي بابا يقول المكالمات كل اسبوعين مره ورسايل مره في الشهر وكلما غثتك تبي تكلم او ترسل قولي لها اذا بتكلمين هاتي فلوس

اختي انا بقولك كلام لوجه الله - تراهم ضعوف مساكين حادتهم الحاجه على الشغل وجيتهم لنا فا ارفقي عليها وتحمليها خليها كل اسبوع تكلم بعشره ****لله مهيب ضارتك اربعين ريال بالشهر اعتبريها صدقه ولله انحن لو نروح نحج خمس ايام مانصبر على عيالنا واهلنا كل شوي نتصل نكلمهم ونتطمن عليهم برغم ان احنا برخاء وامان والحمدلله فما بالك بالي جوع وفقر وهم اكيد- بتتصل بعيالها تتطمن انتي عطيها يوم بالاسبوع و****لله ربي بيرزقك ويوفقك على نيتك وبيبارك لك بمالك - اذا مشكلتها لسانها طويل مثلا او اخلقها سيئه فا وقفيها عند حدها- ولله يوفقك
ولله يا اخواتي الشغالات ضعوف تستخسرون فيهم ميئه وخمسين في الشهر واحنا نصرف اكثر منها في العاب ولا ملاهي ولا ملابس وهذولا تعنيلهم العشره شي كبير ولله يوفقكم جميعا

انا شغالتي سيرلانكيه مسيحيه والحمدلله ملاك بكل ماتعني الكلمه ^_^

عندها عزة نفس ومحترمه نفسها بشكل عالي وخدومه وانا معاملتي معها الحمدلله معاملة انسانه لانسانه ولا اطيح الميانه يعني عمري ماسألتها عن افراد عايلتها او اي حديث شخصي عنها علاقتنا في شغل البيت واذا ما اتقنت شي ما اخاصمها بس اقولها تسويه مره ثانيه وصارت تستحي وتحاول اني ما اشوف شي بالنسبه للمكالمات اول ماجات كنا نشتريلها بطاقة مرحبا بخمسين بالشهر اشترينالها تقريبا مرتين بعدين هي من نفسها تعطيني خمسين وتقول بطاقه ونشتريلها وتكلم من الثابت اي وقت تبغاه وتحسب لنفسها الدقايق لان صارت هي اللي تدفع البطاقه وهي تدري لي طلبتها منا مانقول لا بس اقولكم عندها عزة نفس ..خلاصة الكلام اقطعي عنها الجوال والله يخلي الثابت وقوليلها بطاقه بالشهر مره وحده وهي بتتصرف فيها وبتشوفينها حريصه على الدقايق مره رجعنا من سوق وحطينا الاطفال بالعاب وكانت الشغاله معهم وشفتها تسولف مع شغالات ومبسوطين يوم ركبنا السياره طبعا راتبها معها واحيان تحول عطتني من شنطتها 150 قالت ماما ابغى جوال قلت في البيت اقول لبابا اول وانا اساسا رافضه جوال مع شغاله لأني ما اضمن وما احب شغلة رسايل رايحه جايه ونانات وادري ان بيجي من الجوال مشاكل اكثر من اللي بكتبها اقل شي تراسل شغالة اندنوسيه وماتقصر بالتعليمات معها وتعلمها من كيد الشغالات بس الحمدلله ما اهتميت كثير جيتها بكره قلتلها بابا قال لا قالت خلاص حسيت خذت بخاطرها وانا ماودي يكون فيه تتش قلت طيب انتي ليه تبغين الجوال قالت بكلم سيرلنكا قلت طيب الجوال والثابت سيم سيم مثل بعض وضحكت وانا اشرحلها افهمها يعني الطريق واحد وتبسمت قالت خلاص خلاص مع اني اعرف ان الشغالات بالسوق عطوها ارقام وحطتهم بالشنطه بس سويت نفسي ماشفت ولاعرفت فقالت خلاص وصكينا الموضوع ومافتحته وفعلا تكلم من الثابت..

خلي المعامله وسط وقوليلها الجوال والثابت واحد واذا قالت رساله قولي جوالي بابا قال مايرسل برا عيب وخليها تكلم من الثابت على طول والي تبى تقوله برساله تقوله شفهيا ^_^..