والله مشكلة
انا زوجي يطالب بوضع التلفزيون في غرفتنا وانا رافضة تماما
- انا عندي في بيت حمولتي غرفيتن وحمام فقط غرفة نوم وغرفة للاطفال
والتلفزيون في صالة بيت الحمولة وهو متسمر امام التفزيون بس يرجع من الدوام الى العصر يقضي كم شغله ويرجع يجابل التلفزيون لما قبل النوم

هلالايام بديت الين وافكر احط تلفزيون في غرفة النوم لاني انا بعد ابغى اتابع برامج معينة ومو قادرة لان التفزيون بالصالة والصالة مو لي !
لكني شكلي بهون !

الله المستعان والهادي سبحانه

ريماس وباقي الأخوات صحيح ما يرضي الحريم شي ؟؟ لا تهاوشوني ترا اصيح على طول

تعالوا الحين مو احسن أنه قاعد في البيت تدرين عنه ؟؟ يعني يرضيك يكون برا البيت ؟؟
خلوا رجالكم ياخذون راحتهم في بيوتكم لا والله من كثر الزن تلاقينه راح يدور سعة صدره برا بيتك ؟؟

وبعدين الأخت الفاضلة اللي تقول مل من شكلك لالالالا يا قلبي مو شرط بس هذي اهتمامته ؟؟ لا تلومينه
والله لو يقلب البيت كله له فدوة له فديت عيونه يا شيخة أنا وش ابي الا سعة صدر زوجي وبعدين كافي خيره شره بعد ألف شكر ونعمة من الله ... انا وأنا حرمة قلت من كلامكم شنو هذا شنو هالتحجير مو أبرك أني قاعد في البيت هم ماتخليني أخذ راحتي >>> تقمصت شخصية زوجك :42: وبعدين انتم ما تدرون ان الرجال فيهم عناد ؟؟؟؟؟؟؟؟؟؟ تدرين المفروض يغيرون أسم العناد ويقولون رجل كناية عن العند يعني ما يقولون لك عنيدة لا رجولة خخخخخخخ :hahaha:

حبايبي ماهكذا تؤكل الكتف واحمدي الله انه ماخذ راحته في بيته وقولي له فديت عيونك أقلبي البيت براحتك اهم شي أن عيوني تكتحل بشوفتك كلما دخلت وكلما طلعت ؟؟

واذا الخدوديات والأبجوارات يا قلبي أنا أشتريها لنفسي أنبسط تدرين غرف عيالي ما تشوفينها من كثر الخدوديات وهو ما يدخلها وكمان غرفتي كيفي..!!
أحبها حتى لدرجة أنه يقولي أشلون أنام من كثر الخدوديات قلت له فديت عيونك أشيلها وقت النوم وكل يوم الصباح أرتبها مره ثانية وبالليل أشيلها عذااااااب بس بكيفي أبي أشوفها مرضيه نفسي ومرضيته ..

واذا على التلفزيون جيبي لك تلفزيون صغير وتابعي أنتي بروحك البرامج اللي تبينها أو كمبيوترك وأقعدي عنده ........... يوم يومين أسبوع أسبوعين صفقيني اذا ما جاء عندك وقالك أنتي وحشتيني ووحشني الكلام معاك <<<<< أن كيدكن عظيم جربي كلامي انتي خسرانة شي ماراح تخسرين
ربي معاكم يا عسولات

ريلاكس يا صبايا الدعوى بسيطة ما تستاهل الزعل هذا كله وبعدين شنو تبينه كلش كلش يطالع في وجهك أربع وعشرين ساعة >>>>> أبنحاش قبل لا تشوتوني

8
8
8
8
المدمن على شي ما يمل منه لو تقطعينه
لو تخلينه على راحته مرة ومرتين وثلاث ,,,, ما راح يدور سواليفك وقعدتك
يا انت تلاحقينه وتشحذين منه قعده وسواليف ,, والا ابرك له واونس انه ماااااااااخذ راحته على الاخر


ولو تقولين اقعد معي ,, يقول انا قاعد معكم ,,,, قاعد بجسمه لكن عقله وفكره موب لمك

لالالا يا وردة أنا قصدت انه اذا شافك أنشغلتي عنه دورك فهمتي علي
وبعدين كيف حكمتي أنه مو لمك ؟؟ خشيتي قلبه ؟؟
وبعدين واااااضح أنكم ما جربتوا حرقة طلعة الرجااااااااال برا البيت والله انها العذااااااااب بعينه ..!!

أسأليني اول زوجي ما يقر والحين الحمدلله بس قدااااااااام النت دائماً صحيح أتضايق بس والله انها أرحم ألف مرة من طلعته برا وبعدين اللي يخاف من الله تفرقينه عن غيره ماراح يطالع حرااااام هذا عشمي وبس

8
صادقه المحبه نصيحتها ذهب..
بتضربين عصفورين بحجر..
تشغلين نفسك وتبعدين عنه شوي..
ومتأكده انا بيشتاق ويدورك..
بتكثر الروحات والجيات من عندك
بس يمر رايح جاي << الله على كرامتهم هالرجال
طبعا ماراح يقول وينك وخليتيني لكن بلغة اهل المريخ<< دارسه لغات
مجرد طلعته من الغرفه على غير عاده معناتها فقدك..:)
الله يصلح حالنا وحالكم .