بالله عليكم ساعدوني يا خبيراااااااااااااات

السلام عليكم و رحمة الله و بركاته

أتمنى إنكم تقرأوا موضوعي للنهاية
و أتمى أكثر إنه كل وحدة عندها فائدة لي أو نصيحة فلا تبخل علي لاني بجد بجد محتاجة نصايح منكم

أنا متزوجة عمري 24 عندي 3 أطفال ماشاء الله تبارك الله
أول ما أنخطبت كت حاطة أهداف في حياتي و في طريقة تربيتي لأولادي و و و ...ألخ
بعد ما أتزوجت تلاشت هاذي الأفكار و التخطيطات بشكل سريع خاصة لأني كنت أدرس و خبرتي قليلة في أمور البيت و التنظيم و الترتيب... يعي حست في عمري

الآن بعد 7 سنوات زواج.. أشعر إني مازلت غير منظمة و حياتي ملخبطة و أكتر شي قاهرني ( أطفالي)
كان نفسي أربيهم تربية نموذجية.. كان نفسي أعلمهم حب القراءة و الاستطلاع..نفسي اعملهم لوحات تعليمية.. نفسي احفظهم القرآن من سن مبكر.. اقرأ لهم تفسير مبسط للقرآن... اطلعهم أصحاب همم عالية..
نفسي نفسي نفسيييييييي

لكن للأسف

عارفين أنا كيف معاهم..
عصبية لأبعد الحدود... مااا عندي طولة بال.. بس أصرررررررررخ...أضررررررب.. أحس اني قاعدة أسوي عكس الشي اللي كنت أبغاه
كنت أحسب التربية شي سهل
و انه التحكم في الاطفال شي سهل

غير انه عليا تنظيم امور البيت و المطبخ و و و و.. خلاااااااص يا ناس تعبت

اقولكم باختصار ايش مشكلتي
(( ماااني قادرررة أوفق بين أمور البيت و بين تربية أطفالي التربية اللي كنت أحلم فيها و بين ترفيهي و متعتي و بين حقوق الزوج و الأهل ))
يا ناااااااااااس و الله أكتب لكم و أنا يدي على راسي.. بجد بجد تعبت و محتاااااارة و حاسة فية قلق
مني عارفة أسوي شي
و لا قادرة أحقق شي في حياتي
راح تقولولي عندك أطفال و هاذا اهم شي حققتيه
أقولكم العبرة مو بس بإنجاب الأطفال العبرة بالشي اللي نربيهم عليه و المباديء اللي نزرعها فيهم
و أنا مني قادرة اعمل شي و لا قادرة أتحكم فيهم .. أعمار أطفالي ( بنت 6 سنوات- و لد سنتين و نصف -
بنت سنة و شهرين)..أحس الكبيرة بس تعاندني.. و الصغار بس صراااخ و بكااااااااااء و مضاربات بيهم و شكاوي كل شوية.. آآآآآآآآه و الله أعصابي تعبت.. غير الطلبااااااااات اللي ورا بعضها.. غير توسيخ البيت لدرجة ما تتخيلوها

أقعد ألم و أنظف وراهم كل شوية.. الين صارت ما تفرق معايا خلاااااص البيت وسخ و لا نظيف مااا يهمي لأني بجد تعبت.. و بعد هاذا كله... كييييف أربيهم كييف أزرع فيهم الأشياء الحلوة... متى؟؟ و كيييف؟؟؟

و اذا عالشغالة .... ياناس الشغالات ما صاروا يستمروا عندي
إلى الآن 15 شغالة عدت عليا
اللي تجلس شهرين و تمشي
و اللي شهر
و اللي اسبوع
ايش السبب ما اعرف
بعضهم يقولوا انهم يطفشوا عندي.. يعني ايش اسوي لهم؟؟ ... اجيب لها مونسة؟؟؟..
المشكلة اني اتعامل معاهم بطييييبة و اطبطب عليهم و اشتريلهم ملابس بس ما يباااان في وجههم..
كل الشغالات صاروا ما عندهم جدية في الشغل و خااااااااااااصة عندنا في جدة و أسعارهم نااااااار و صل راتبهم الآن 1300 - 1400 اللي بس تنظف و 1700 اللي تنظف و تطبخ و لو قلتي لهم في أطفال تقولك يووووه و ممكن تبطل تجيكي.. تقولولي جيبي بالفيزا.. أقولكم أخاف تشوف أطفالي و شقاوتهم و مناحلتي معاهم تروح تشرد و نحن نخسر فلوسنا أو تروح تعمل لنا سحر لا سمح الله..على الأقل الخدامات اللي من هنا لو ما عجبهم الوضع يخرجوا على طول من غير ما يضرونا..

أحس مني قادرة أوفق بين المسؤوليات اللي على راسي..
أحس اني انسانة فااااااااااااااااااااشلة.. و أم فاااشلة.. و الله العظيم كثييير احس اني أم فااااشلة..

أسئلكم بالله ساعدوني ... و اللي عندها خبرة في التوفيق بين البيت و الاطفال و المسؤوليات الاخرى تفيدني
الله يخليكم و الله تعبت قسما بالله من التفكير ماني قادرة أناااام من كتر ما أفكر في حياتي العشوائية الملخبطة
و أكتر شي أطفااااالي قلبي محرووووق عليهم..
أحس إني مقصرة معاهم في كل شي و مني قادرة أربيهم و لا قادرة أعلمهم الصح من الغلط سواء في طريقة الكلام أو الأكل أو ترتيب غرفتهم ...........ساعدوووووووووووووووني