بالله عليكم لكل اللي لها تجربه بالناس اللي زي كذا

يالله يابنات اختي الكبيرة الله يسامحها بس طبعا أنا الوسطى ثنتين كبار وبعدي ثنتين
اعاااااااني اشد المعاناه منها مدري وش سبب تصرفاتها والله عجززززززت افهم ليش تعاملني كذا أنا الوحيدة اللي تسوي معي كذا خواتي الباقي لهم احترام وتقدير وحنيه الا اااانا
احسنت واحسنت لها مقابل الإساءة جدا تعاملها قااااسي
ماترحمني
طبعًا أنا حامل بالسادس وتعبانه وثقيله وعندي ثلاث الله يحفظهم وتعبانه والصغير سنه ونص وعنده إسهال طول الوقت بالحمام ورجولي من لما صحيت جاني الم فيها مو طبيعي وأعرج منها وحالتي حاله
المهم نحنا كلنا متجمعين من وفاة جدتي الله يرحمها بالقريه من قرى الجنوب
المهم كل وحده مآخذه غرفه لها ولعيالها تخيلو والله الموقف يكسر القلب والخاطر سويت مكرونه وقعدت على الأرض عشان يأكلون اولادنا كلنا جااات وتصرخ ليه بغرفتي وليه توسخنيها حتى المفارش لانقعد عليها أنا واولادي
بنات تعاملها سي سي جدا معي تقولي شوفي مو كل اجازه تقعدون انت وأولادك والحين بيجي الرابع يعني معك جيش حسبي الله بس من كسرة الخاطر
تقول مو تجلسون على قلب امي وأبوي انتي وأولادك وزوجك يسافر لاهله لو سمحتي اهلي مو مسولين عنك وعن اولادك
قلت لها وين تبغين اقعد بالشارع يانااااااس تجرح وتجرح هي الوحيدة مع كذا
بناااات سألتكم بالله مر عليكم كذا بنااات متسلطه عليه بشكل فضيع وعلى اولادي تسلط بكل شي
يارب اكفيني وتكفي اولادي تسلطها
بنات وش السبب لكل ذا والله ماابغى اقول انها تغاااار مني
لاكن هل ممكن الغيره تسبب ذا كله ماابغى امدح نفسي بس اجمل بكثير هل مممكن يكون سبب لأني الاحظ عليها تغار من أشياء كثيره عندي
بس تتسلط عليه حرام والله حرام وعند اهلي انها الكبيره مع انه والله امي اليوم شافت وحز بخاطرها ليش هي تسوي كذا معي والله حزنت عليه وهي تصرخ قومي قومي من غرفتنا وشيلي وساختك
الله يجبر بخاطري بس