وليده @olydh

كبيرة محررات

بالله عليكم وش خلو للشباب ها الشيابولا حركه جديده للمغازل بس ادبته ادب مايحلم فيه

السلام عليكم ورحمة الله وبركاته

هلا خواتي

والله شي يقهر ويبط الكبد

:::::::::::::::::::::::::::::::::::::::::::::::::::::

العاده نخبر الشباب هم اللي يحرشون بالبنات

لاكن رجال وش كبره !!!!!!!!!!!!!!!!!

هذا اللي قاهرني صدق

يعني اللحين نخاف من اي شخص لاكبير ولا صغير يعني ماعاد الواحد يحترم نفسه ولا يحترم سنه

:::::::::::::::::::::

السالفه اني كنت بمحل البلاد مول اكيد الاغلب يعرفه

زوجي من النوع اللي روح لقسم ملابس الرجال ونا اطس لم قسم الحريم كلن ياخذ راحته

والله العظيم واقسم لكم بالله ان عبايتي تسحب وفضفاضه وش كبرها خيمه ووسيعه حتى زوجي يقول كنك امي معي بس ماعلي منه وشكلي شكل وحده ترحم اللي يشوفني مايعرف عمري بالعبايه وهذا عز طلبي

المهم مالكم بالطويله >>>>>>اخلصي طولتها وهي قصيره

انا وانا بقسم ملابس النساء كنت ابحك والقط لي خلاقين المهم الا اسمع تحت رجلي زي شي طاح والتفت تحتي الا واحد مدخلن يدي تحت عبايتي يشيل مفتاح وقمزت وشفت حرمه بعيده عني شوي قلت يمكن حرمته وطاح منه المفتاح بالغلط ابحسن الظن واشوف واروح بعييييييييييييييييييييييييييييييد عنه بعيد مررررررررررررررررررره اخر الممر اللي انا واقفه فيه

وشوي وانا ابحك الا صوت المفتاح مره ثانيه تحت رجلي وينحني بياخذه من تحت عبايتي <هذا وش اسوي فيه بس>
واجيك عاد ها لمره قلت لا ذا قاصد ها الحركه اللي زي وجه
واجيكم واحاكيه واقول ميده احسن لك طس فيذاك والا والله لا انادي لك زوجي يمسح بك الارض >>>>>>>>>احب اقول زوجي اقشر حييييييييييل مره بقوه وشيطاني وانا دايم اتحاشى اقول اي شي زي كذا لانه يمكن يرتكب جنايه فيه <<<<اكمل>>>>>وبعد ماقلت له قال ان شاء الله اسفه اسفه معليش واروح من ورى الجهه الثانيه والا عاملين يمنيه من حقين المحل قلت تعالو شوفو ها الرجال قليل الحياء تفاهمو معه لاني مابي اقول لزوجي لا يذبحه قال وينه مانشوف احد ثم قال خوذي الجزمه واخبطيه على راسه قلت وش اخبط انا حرمه ماني رجال ويم شفت هم كذا قلت مالك الا طرزان زوجك قولي له والشكوى لله واتصل عليه وانا اتصل الا طلع بوجهي الخايس مره ثانيه يسوي يكلم ويقرب لمي يعني ماتاب هومن كلامي له واقول لزوجي اللحق في واحد يتحرش بحرمتك المصونه>>>اللي هي انا طبعا:42:

شوي الا سوبر مان جاااااااااااء طاير وينه وينه قلت شفه ذاك ويم شافني ااشر عليك ويشخط يبي ينحاش الا زوجي تخبرون طرزان طااااار ومسكه ماعاد شفتهم بس اسمع اصوات وكفخ على كيف كيفكم زوجي صغير جسمه لاكن لا اله الا الله علي يدبغ اكبر جسم تتخيلون
وماعاد قدرت اوصل له من التجمع حوله وادفدهم لا يكون مات الرجال

الا زوجي مسقطه وسط الملابس ويكفخ فيه وبقسه وملكمه اللين قال بس الظاهر انه تشهد

ويجون الامن ويفكونه من بين يديين زوجي وزوجي ناشب عيى الا بيخلص عليه وودوهم لمكتب الاداره

تدرون وش يقول وزوجي يصفق فيه استر علي عيب عليك تضربني تخيلو بعد يقول عيب هذا يعرف العيب عساه المرض

وودوهم والله زوجي معيي يتنازل قال ما ابغى الشرطه والقسم لا ابي الهيئه تجي تشيله وهو يتحبب زوجي على كلامه يقول استر علي لاتفضحني قدام خلق الله >>>>يعني اللي سواه معي الحركات هذي وشهي اجل والله زوجي قال له انا ياكلب نخاف من الشباب اثاريك انت واشكالك انتم اللي تسون كذا وش خليت للبزارين والمراهقين والا عاد قسم بالله ان ثوبه وسخ ومعفط وهو شين وخلق الله حسنه

والله يقول زوجي جاني شايب واحد في 60 عمره وقعد يتحببني ويترجاني اني اتنازل عنه ويكتب تعهد يقول والله ان اللي جاه مايجيه من الهيئه نفسه يقول كفخته اللي تورم وجه
والظاهر هو خايف من زوجته

وتنازل زوجي عشان الشايب اللي جاء يقول والله عشان الشايب والحراسه الامن قالو خلاص تعهد

:::::::::::::::::::::::::::::::::::::::::

تدرون وش قاهرني والله انه كبير ويسوي كذا والله وش خلا للمراهقين والمشكله اللي يشوفه يقول وشذا الضعيف مايطلع من ها الشي زوجي ماصدق انه يسوي كذا

والله عمره حول ال50 ويمكن اكثر

اجل لو اني عبايتي كتف ولثمه ووخري عني ومخصره هذا وانا كذا يسوون كذا وجع يوجعهم الوسخين

::::::::::::::::::::::::::::::::::::::::::::::::::::::::::::::::::::::::::

بالله عليكم هذا وش ينقال عنه ان قلت مريض شوي وان قلت مراهق ماهي حوله والله اني بعض المراهقين ان الوحده تحتمي بهم والا ها الكبار خلالالالالالالالاص غسلت يدي منهم كلهم

مابعد راعي ليموزين شايب كبر جدي يوم شافني قاعدتن احتري زوجي يجي بسوق خيري الا يصفر ويقعد يشعر بصوت عالي تخبرون اشعار البدو يالا لالالا يا لالالالالا ومدري وشو بغيت اصمخه بالكيس بس شييييبه ولحيته بيضاء ويسوي كذا ابالله هذولي وش نسوي فيهم يعني لو انتي مكاني بتكفخينهم بنفسك والا بتعتزين باحد

:::::::::::::::::

تصدقون زوجي يقول والله اني ناسي انزل معي شي معه بالسياره ينحط باليد كله زي الاسيام حديد يقول والله لو اني ذاكر كان منزله معي >>>>>>>>>ناوي يذبحه الله يهديه زوجي ماينقال له شي بس برد حرتي فيه:09:

صححنا الاملاء على قولت اللي قال

135

12K

يلزم عليك تسجيل الدخول أولًا لكتابة تعليق.

تسجيل دخول

ام امثال وبدر • 18 سنة

اي والله صارو الشياب هم المراهقين مو الشباب .....بس ياحلو خفت دمك انا اقرا واتخيل شكلك معصبة ,,,,,, هههههههههههههههههههههههههههههههههههههههههههههههههههههههههههههههههههههههههههه حلوة طرزان ... وسوبر مان ضحكتيني الله يهيدهم ويصلح شبانا

##ريانة العود## • 18 سنة

في أشيااء ماقدرت أفهمها الحروف فيها لخبطه وكذا !

ع العمووم ..
أنا برد عليك على قد اللي كان واضح من كلامك ..
يمكن أنت ِ تحسين بهالشئ أدبتيه وخذتي حقك ..
لكن ماأنتبهتي لنقطه ..
لو زوجك كان ذابح الرجال ولا كان مريض معه سكر ولاضغط وأرتفع عليه ..
وهو كبير بالسن صدق اللي سوواه مو قلييل إلا عيب وعيب كبير بعد ..
لكن بحركتك ذي كااان ممكن تودين زوجك بداهيه وهو اللي يااكل الموضووع ..
ويرووح بسين وجيم وتحقيق وحبس وممكن توصل لقتل
وإقامة حد لو مااات الرجــال .. ؟؟!
لأنه كان يضربه بقووه ..
وخليتي زوجك يحط بباله فكرة يجيب معه آداة حاده ويخليها إحتياط عنده بالسيااره !!!!

أنا ماأييد أنك تستكتين عن حقك كلمتي الأمن ..
ولا طلعتي من المحل أبرك ..
رحتي محل ثااني ..
إلى أن يطلع هو وزوجته مدري بنته اللي جايه معه !
المهم يطلع و يكونون خلصوا غرضهم وطلعوا من المحل وترجعين أنت ِ للمحل وتاخذين غرضك وبسس !

ربك ستر هالمره ..
لكن مو كل مره تسلم الجره ..
الشيطــان شااطر ومامات ..
فأنتبهي الإنساان بلحظه غضب ممكن يتهور ويسووي شئ ..
يندم عليه بعدين ..
والله يســتر !

بالتوفيق أن شالله :26: ..

نجمة في الكون • 18 سنة

ههههههههههههههههههه

يستاهل والله

دمعه ورديه • 18 سنة

ياسلااااااااااااااااااااااااااااااااااااااااااااااااااااااااااام

بردتي ناري الله يبرد ناااارك

زيييين سويتو فيه

انا قد صار لي موقف بس اني عجله اكتبه بالليل ان شاء الله

شمـــ انثى ـــوخ • 18 سنة

الحمد لله الذي عافانا مماابتلى به كثيرا من خلقه
.
.
.والله الزمن ذا نخاف فيه من جميع الاعمار حتى لو بزر عمره خمس سنين ولا شايب كبر جدي رجل بالدنيا ورجل بالقبر..

بس بصراحه ماشاء الله عليك قلبك قوي لو انا مكانك كان انحاش على طول لزوجي ولااعلمه بشئ حتى لو مااخذ اغراضي شباب هالزمن مايطمعون بشئ على طول على قولتك جنايه..

ههههههههههههههههههههه

ولو اشوف زوجي بمضاربه كان اغمى علي موعاد اخبره عشان يشتبك مع الناس ..

ماشاء الله عليك قلبك قوي.....

على العموم لاتعبتي انتي وزوجك وفيتوا وكفيتوا..

هههههههههههههههههههههههههه

بصراحه حلو انا نتناقش في مثل هالمواقف ونشوف تصرف كل وحده كيف بيكون؟؟؟؟

والف حمد لله على سلامتك وسلامة زوجك في النهايه

دمتي بخير