بالله عليكم ياأصحاب الخبره في المكياج سااااااااعدوني ربي يساعدكم دنيا وآخره

ليش كدا يابنات 5 زيارات ولاحتى رد واحد ماكااااااان العشم تراكم كريمين وحنا نستاهل :D

هلا والله عز العرب
تامرين امر حبيبتي ماطلبتي
شي

شوفي الاساس احسن كريم عندي جيرلان ديفينورا سواء اللي غرشته زجاج او بلاستيك
انا استعمل اللي بالبلاستيك لانه احسن للبشرة المختلطة
والبودرة المضغوطة هم منهم للاسف قطيت القوطي لانه خلص فما عندي الرقم
بس انتي جربيها على ايدج بتبين انا جربتها على ايدي وطلعت روعه
وماافكر اغيره والحين بشتري حق العيد

الكونسيلر مااحبه ولااستعمله
عندي الاساس كافي لانه يغطي عدل

الغلوسات استعملي لوريال و بورجوا
لوريال عندهم بالغليتر اللي هو الترتر عجيبين
وبورجوا اسمهم 3D ثابتين ومايسيحون ولايشققون الشفايف
وعندج من ريفلون يهبلون وترى كل هالماركات رخيصة وحلوة وايد وايد
وعندج ماكس فاكتور ليب فينيتي LIP FINITY وايد حلوين هي حمرة وغلوس وثابته
واذا تبين الماركات القوية جربي حمر هيلينا روبنشتاين
وجيرلان عجيبين

بالنسبة لطريقة الماكياج مااعرف اشرحها ويتروالي يبيلها صور اتركها للبنات ان شاء الله يفدونج اكثر

والكيك شنو هذا بعد؟ ماكو بسكوت؟ خخخخخخخخخخ

بالنسبة للاساس والبودرة استعملهم مع بعض حق التغطية الكاملة
اما اذا طلعة عادية بس البودرة كافيه

عندج البودرة المضغوطة من ماك واااايد حلوة وتغطي عدل
مو الاساس المضغوط انتبهي
البودرة المضغوطة

وماك عندهم غلوسات بعد روعه وطعمهم فواكة

واي استفسار بعد انا حاضرة

المنتدى مليااان دوري وراح تلاقين

بالنسبة للبلاشر اخذي من ميك اب فرو ايفر وماك
وايد حلو بلاشرهم ومايروح ثابت
وجيرلان بعد وكريستيان ديور هذولي مضمونين

الماسكارا من كريستيان ديور اسمها DIOR SHOW وايد حلوة
وماسكرة لانكوم اليديدة عموما لانكوم حلوة ماسكارتهم
وجيرلان الماسكارا الفضية مو الذهبية ترى في 2
وحدة فضية وحدة ذهبية اخذي الفضية وااااايد حلوة

الكحل عندج ماك المدور اللي معاه فرشة معروف
وعندج اقلام ديور حلوين والوانهم ثابته وماتحسس العين
وبوبي براون حلوة اقلام الكحل مالتهم وايد

واي شي ثاني انا بالخدمة حبوبة

بالنسبة لاحلى اساس عندك ماك
اما الكونسيلر عندك ديور وماك فورايفر
اما الجلوسات والارواج عندك ماك وفيةنيبو وبودي شوب وفية برضو ريفلون موغالية وحلوة
اما افضل بودرة مضغوطة انا بنظري كانيبو وبعدها ماك فورايفر المائية