لا طبعا زوجك مابقى منه غير نسختين
وعلى فكره الطبخ والنفخ والكرف والغسيل هذي مو واجباتك انا كنت مفكره نفس هالتفكير بس وحده امارتيه قالتلي لا وتناقشنا ورحت بحثت ودورت كل الفتاوى بكل المذاهب الاسلاميه تقولك
ليس من واجبات الزوجه ان تخدم زوجها الا برضاهاااااااا واللي ببيت اهلها ماتخدم يجيبلها خادمه وهو يضحك غير كذا الله لايهينه هو يطبخ
تأكدي من كلامي وامسكي الفتوى علقيها ع باب غرفتك

لا طبعا مو كلهم ونادرين اللي مثله واذا قال لك سوي مثل شغالتنا قولي قلتها انت شغالتكم روح جيب لي مثلها انام شغالة ولي حياتي 
كويس أن أمه مثل ماتوقعنا 
انتبهي تعودينه على انك كريفه وشغيله والله أهون خطأ منك يوري الويل 
قولي له مقدر انا كدا 

المفروض يتعود يساعدك واعرفي ان الشي اللي يتعود عليه ببداية زواجك بيستمر عليه .. أنا زوجي تعود يساعدني بكل شي بالبيت و الأولاد والحمد لله حياتنا متوازنه وسعيده ومرات أرجع من دوامي الاقيه مرتب البيت كله ويدخل معاي المطبخ يقطع ويطبخ مع إنه ببيت أهله كان ممنوع يدخل المطبخ حتي لو يبي كاسة مويه يجيبونها له وبعد الزواج صار العكس يحب يساعد بكل شي ربي يسعده .. لازم يحس انك انسانه تحس وتتعب مو آلة كرف ربي يعينك ويسهل أمرك وخليك دايما علي وضوء حتي تخف عصبيتك واجلسي معاه جلسه وتعوذي من ابليس حتي ماتعصبين وقوليله كل اللي بقلبك .. 

قولي له 
وانت ولي جالس عندي روح دور لك شغلة ثانية بدال الجلوس بالبيت 
الرجال شغلتهم الشغل والكرف علشان تضمن مستقبلنا 
طيب بيقولك ناقصك شي 
قولي لا 
بس الرجال هاذي شغلتهم الشغل برا البيت 

شف العمال من الساعة 6 الصباح ل7 الليل وهم يشتغلون ورجال اول مايرجعون من الشغل الا اخر الليل مايعرفون نوم الظهر ولا الراحة

أنا زوجي إذا شافني مشغولة بأغلب وقتي يهاوش 😂

شوفي الدقه القديمه اتوقع موجوده بكل زوج سعودي
ولكن بطرق مختلفه ههههههه
مثلاً إذا سويت عزيمه وخاصه لناس مقربين يعلق ويدق ويصرح بالكلام لو سويت طلبيات من المطعم
ومحلات الحلويات
برأيه انو الناس مب جايين عشان ياكلون طبخ المطاعم يدلون المطاعم
وما يطيق التأخير خارج البيت لي وله
بس الحمدلله دقاته القديمه مقبوله 😅
لكن زوجك ما لك الا تطنشينه وتطنشين دقته ترا البيوت ما تخلا من المنغصات
فريحي بالك وتعاملي مع سلبيات زوجك برويه وطولة بال
وبالنسبه للعصبيه
كثري مشروبات الأعشاب ينسون بابونج نعناع
ويفضل قبل النوم تشربين كوب 🍵
مشيت عليها فتره و حسبت بفرق
واعملي تمارين دربي عمرك على الصبر وحاولي إذا جتك مشكله تتعوذين من ابليس
وتفكرين بنقاط الخلاف اللي مختلفين عليها بدون لا تفكرين بمشاكل سابقه

أتمنى أكون أفدتك لو بشيء بسيط 🌺🌿