بالله قولو من اغلطان انا او زوجي

بسم الله الرحمن الرحيم
بنات حواء ابستشيركم في مشكلتي مع زوجي وتقولون من الغلطان انا ولا زوجي....
واذا كنت غلطانه وش الحل لاطنشون مشكلتي وتقولون تافهه لان زوجي يقول صرت اكره الطلعه معك..:42:
انا عندي طفل عمره سنه وثمنيه شهور لما نذهب لاي مكان عام سواء كان حديقه عامه او سوق اوسوبر ماركت امشي انا وزوجي مع بعض وهو خلفنا يقول كيفه اتركيه لا تناظرين خلف لما يشوفنا نمشي راح يجري خلفنا انا مارتاح اخاف عليه ولما التفت اتأكد انه مازال يمشي خلفنا يتضايق وكم مره اتهاوش مع زوجي بسبب هالشي وتتنكد الطلعه بسببه وسبب كتابتي لهالموضوع امس طلعت انا وزو جي مكان عام وكان ولدي خايف وماسك يدي وقال زوجي شوف الاطفال روح العب ماعهم رفض قلت له اصبر يتكيف مع المكان بعدين يروح وفعلا راح يلعب شوي لمدة خمس دقايق قلت لزوجي وخلنا نمشي شوي ولدي كان يمشي خلفنا وبعدين وقف يطالع الاطفال قال زوجي تعالي نوقف خلف الجدار علشان اشوف وش ردة فعله وقفنا خلف الجدار .ولدي في هاللحظه اخذ يتلفت ويدور علينا وكان شكله خايف انا مقدرت اتحمل الموقف وطلعت علشان يشوفني زوجي عصب علي وجلس يهاوش وتنكدت طلعتنا ورجعنا البيت وز وجي لحد الان وهو زعلان ومايكلمني وقال اذا ماتثقين فيني راح يكون الولد معاك وين مارحتي ولاي مناسبه حتى لو كان زواج تاخذينه معاك ابغى رايك من الغلطان وش الحل وانتم كيف تتعاملون مع اطفالكم في هالاماكن وخصوصا اللي ماعنده خادمه