بالله كل من تزوج عليها زوجها تجي تقول وش السبب علشان.......

السلام عليكم ورحمة الله وبركاته..

يبنات الحمدلله احمدربي على حياتي السعيده وكأي انثى ابغى احافظ على زوجي لايروح يتزوج او مسيار او يسوي مصاايب...

****الله ان الخيانه نستبعدهاااا...

لاكن زواج المسيار..جاتني ام زوجي قالت لي ان زوجك يقولي ان اصحابه فالعمل يزنون عليه بزواج المسيار ودايم يناقشون هالموضوع..الله لايوفقهم ولا يرزقهم راحة البال زي ما اقلقوني ياناس شايفين رجال مبسوط مع زوجته وش دخلكم؟؟!! يقولون له غير جو من العيال..الله لايوفقكم يالرجال لاخلفت الحرمه قلتو نغير جو ولا ماخلفت قلتو عقيم وش نبغابها!!!

وامس زوجي يقول لي واحد خويي ملك على زوحته!! قلت له ليش؟ قال يقول طفشان بيغير جوووو <<عساه البلا يااارب انكان زوجته ماتستحق...

ياناس اخاف زوجي تأثر فيه هالتصرفات ويبغى يجرب او شئ


بالله انتو تشوفون وش اللي يخلي الزوج يتزوج علشان نتجنبه؟؟؟؟

وانا اعرف ان الدعاء هوا كل شي بس مايمنع نعمل بالاسباب:)...

الله لايفجعني واياكم ولا يوري وحده ضيم ماتستحقه..

واللي زوجها محاط بملاعين وش تسوي؟؟؟؟

ياارب استودعتك زوجي وقلبه وحواسه واستودعتك نفسي وابنائي فجعلهم في حفظك وحرزك ورعايتك انك لاتضيع ودائعك..