بالله كيف يكون برها 😞😞

امي الله يهديها العام بداية السنه كانت تزور اخويه وزوجته وعياله وتطلع معهم بدت تغار من تعامل اخوي لزوجته وحاولت تشكك اخوي بزوجته
فعلا اخوي بدا يشك بحكم انها توظفت وبهذل زوجته
وصار اخوي يخون زوجته زي ماتخونه هي ماتخون بس الشك
المهم اخوي شاور امي قالت تزوج عليها عسى الله تفهمها وتنقلع بيت اهلها فعلا طردها وطلقها اخوي وتزوج
الثانيه وسافر ماعاد ندري عنهم الا بالتلفون اخوي ندم على الاول علشان كذا قاطع العايله
بعد زواج اخوي بشهرين تخاصمت امي مع ابوي وطولت لسانه بكلام ماينقال تخص الرجوله قدام خواتي لانه مريض سكر وكبير في السن انتم عارفين لم الرجال يصير في ٨٠ وش يصير
المهم ان ابوي طلقها الطلقه الاخيره وهي بالستين وقويه ماشاءالله امي الله يحفظها ويطول في عمرها
انتقلت عند اخوي الثاني ولها الان سنه تقريباً العيد هذا زوجة اخوي عازمه صديقاتها امي قالت له ان زوجته فيها وفيها وطلعت عنها كلام لحد ماتمشكلت هي واخوي وكبرت بينهم السالفه وطلعت من البيت وراحت لهلها زعلانه اخوي كلم ابوي يرجع امي رفض ابوي يقول توني اشوف الراحه دايم تسب وتخاصم
وهي الحين تزورنا انا وخواتي وتلمح تبي تسكن معنا انا قلت لها بشرط ماتعلمي زوجي بسولف بيتنا وسبب طلاقك خلاص بس اغفل عنها تدخل المجلس وتطلع السوالف
وتقوله انتبه بنتي هاديه بس لين تتمكن بتصير مثل امها بعدين تطردك اذا كبرت وتطلب الطلاق مثلي
زعلت منها وكلمتها بهدوء قالت نسيت المره الجايه بسكت
الحين هي في بيت اخوي تقول تعالي خذني لكن انا متخوفه منها لانها ودها نتطلق كلنا تقول الحين الحرمه
تقدر تخلع وتطلع وتسوق وانتم باقي متمسكين بالرجال مع ان الحمدلله مرتاحين وحياتنا زي اي متزوجين عادي لابد من المشاكل وفينا الي تسوق والي متوظفه
اخواتي نفس الشي يعانون بس ماابي اطول عليكم ماباليد حليه معها
سعت في طلاق وحده والحمدلله تزوجت واحد ثاني امي كلمتها تروح تعيش عندها اختي ماردت
عليها احترنا والناس كلونا امكم بس مانقدر نشتكي ونتكلم 💔وامي مو كبيره تقدر تقوم بنفسها وساكنه مع اخوي حاليا