بالله لأنتوا داخلين

السلام عليكم اخواتى
______________
اولا انا جربت حاجات كثيره من المنتدى بس فى حاجات لازم تاخذ وقت على بال ما تجيب نتيجه
المهم انا جيبالكوا النهارده وصفه للحمام المغربى بعد تجارب كتيره عملتها بس دى كانت احلى واحده

هى خلطه عباره عن ((((ملح+ليمون+زيت لوز+زيت زيتون+لبن بودره نيدو+خميره بيره)))) وادعك بيها جسمى لمده 10دقائق وبعدين اشطف جسمى واحط الصابون المغربى واسيبه شويه تقريبا15 دقيقه وبعدين اعد ادعك بالليفه من غير ما اشطف جسمى من الصابون وبعد حبه من الدعك اشطف جسمى كويس وبعدين ادهنه ب oil gill من جونسون
وماقولكوش على النعومه والبياض والله الكل لاحظ عليه البياض وحتى زوجى بيقولى انتى بقيتى فظيعه

وفى حاجه مهمه جدا جدا جدا جدا جدا
___________________________
انا كنت زمان وانا بنت كعوبى فظيعه ناعمه جدا جدا وحمرا جدا جدا وكان بيضرب بها المثل وبعد الحمل والولاده كعبى بقى يرثى له وزوجى بقى يغظنى ويقولى انا كعبى انعم منك

لغاية ما اختى راحت عند الدكتور وقالها على كريم لتشققات الرجل والكعبين و قالتلى عليه واستمريت عليه بقالى شهرين بس الصراحه النتيجه تبان من اول اسبوع وبعد شهرين ان شاء الله ترجعى زى ما كنتى بنت وعلى فكره انا انصح برده بيه البنات

واستعماله يكون انك تغسلى رجلك كويس وتدعكيها وتشيلى الجلد الميت وتنشفيها كويس جدا وبعدين تدهنى الكريم مرتيه فى اليوم ويا ريت المره التانيه تكون قبل النوم وتلبسى شراب
والله والله والله يا بنات انى ماقولتش على الكريم ده الا لما زوجى لاحظ النتيجه وقالى بقت رجليكى حلوه اصلى زوجى مش بيعجبه حاجه ومعنى انه قال انها بقت حلوه تبقى فعلا بقت حلوه وانا نصحت بيه اخت زوجى كمان واى واحده اعرفها تكون بتعانى من التشققات


ايوه صحيح دا انا ماقولتش على اسمه


اسمه HYDRFEET