بالله وش اسوي في زوجي؟؟

:angry2:بنات انا كنت امس من المغرب الين الساعه تقريبا
6 الصباح جدا مريضه واطرش وحالتي حاله ودوخه وصداع
مقدر افتح عيني من التعب
المهم ولدي ابو سنه وشهر عند ابوه طول الوقت
جاني وانا منسدحه بفراشي تعبانه بعد مااخذت مسكن وخلاص
نايمه ومقدر اتحرك قالي دودي موسخ وش اسوي؟
قلت له وده لاختي وهي بيتها قريب من بيتي علشان تغير له البامبرز
لانه مايعرف يغيرله المهم راح ونمت
وماقمت الا لقيته منوم الولد جنبي ورايح الدوام
صحيت على صياح ولدي وجينا المجلس والولد احسه
متضايق قلت بغير حفاضته تتوقعون وش لقيت؟
:06:
زوجي شكله هو الي مغسله وملبسه الحفاضه بالعكس يعني
الرسوم بالداخل والساده برا ومربط الجوانب يعني مالزق
الشك شك خخخخخخخخخخ كيف اشرح
المهم ولدي بحاله يرثى لها انا اول ماشفته ضميته وبكيت شوي عليه
وبدلت له وماني عارفه وش اقول لزوجي؟
هل اعاتبه على هالتصرف؟
وله اشكره لانه ريحني؟
وش رايكم بنات؟