بالله وش تستفيدين من هالكلام اذا قلتيه؟؟؟؟؟؟

صباح الخير على الجميع🌹🌹🌹
قبل كم يوم سلمكم الله كنا انا وبناتي وحماتي على السفره بنتي الكبيره عمرها تسع وقريب بتكمل العشر والثانيه ثمان الله يخليهم لي ويرزقني برهم وحماتي عمرها٣٢ متزوجه وعندها عيال الي صار وصدمني ماكنت اتوقع ان في للان حريم بهذي الهمجيه وقلة الادب والذوق نقدر نقول بلاانسانيه الي صار انها قالت لبناتي وهي تناظر فيهم يمه تخرعون😳ليش انتي وجهك كذا وانتي ليش كذا رغم ان بناتي ولله الحمد مافيهم شي من الي قالته بالاول وربي حسبته مقلب بعدين الي صدمني قالت لبنتي الصغيره شعرك خشن حرام اذا كبرتي تصيرين قشرا شعرك واقف كشه(طبعا الشعر الخشن وراثه من عندهم يعني عماتها كلهم خشن)تعالي اخذ اجرك واسوي لكي بروتين وبنتي مو خشن جاف بس ولامنظره ناعم وهو اشقر خفيف المهم انا انقهرت قلت عرقكم الله يقطعه من عرق وقمت اضحك يعني طالعه لمين طالعة لكم ياحبيبتي وبنتي مسكت البكيه قدامها وشردت لبيتنا بنتي الثانيه قامت تبكي تقول ليش ماتصيرين زي خالتي؟؟؟؟فلانه تحبنا الي صار قمت وخليت لها المكان قلت انا مااتحمل القلوب السود ومشيت وهي تضحك انا ماعلي منها مريضه عقل ولااشره عليها بنتي الحين صارت بس قدام المرايه وتمشط في شعرها وتصب مويه وزيت وشوي تبكي وتقول شعري مو حلو واقولها الا ياماما حلو ماعليك يجنن وتنسى شوي وتتذكر شوي حسيت بنتي هاليومين تغيرت كثير ابوها لاحظ عليها وصراحه من القهر علمته قال خلاص خوذيها وسوي لها فرد يقصد بروتين بس مايعرف ماادري متردده اسوي لها بذا العمر وخايفه عليها وودي ارفع من معنوياتها شوي وحسبي الله ونعم الوكيل في عمتها والي زي شاكلتها مايخافون الله فوقهم سوا طفله او غير طفله ماتخاف تنام والناس تدعي عليها ليش التكبر واخرتها تراب ليش مايتذكرون حفره فيها عذاب وحساب اعذروني متوتره ومقهوره على بنتي الي سوت لبنتها بروتين وهي صغيره تطمني الله يطمنها ببشاره تسعد لها طول عمرها🌹🌹🌹