السلام عليكم ,, هلا بنات صباح الورد والريحان ,,,
أخباركم؟؟
أبكتب باختصار عشان ماأطول عليكم :
أنا كان لي صديقة غاااالية وتفرقنا لأسباب يمكن أفتح قلبي مرة وأقولها لكم ,,
المهم لصديقتي هذي اخت أكبر منها شبكت معاي بعد وصارت تشتكي لي من أدق تفاصيل حياتها ولا مرة كنت أرفض الاستماع لها حتى بعد ماتفرقنا أنا واختها , كانت تتصل بي كثيييير تشكي من مشاكل مع زوجها وكنت أشور عليها وأدعيلها وكثيييييييير ماتصلت بي الساعة 2 , 3 من الليل وأنا ناااايمة بس تتصل تشكى وتبكي وأنا أسمع وأطيب خاطرها وأصبرها ,, في هذي الأثناء إلي كانت مررررة اتصالاتها كانت اختها ( صديقتي سابقا) مخطوبة , وقسم بالله ماحاولت مجرد محاولة تفتح لي هالموضوع أو تلمح لي , تفاجأت أنا بعد كذا بشهر تقريبا الناس يتكلمون بأن زواج فلانة ( صديقتي) ثالث أيام العيد !!!
أنا استغربت مرة لييييه اختها ماقالت لي !! مع إني كنت لها أشد من اختها ذيك الفترة !!
مرت بي أيام يابنات عشت مصدومة بواقع هالعالم إلي إحنا عايشين فيه !!
لهالدرجة النذاله !!
كم مرة ومرة وقفت معاهم , حليت مشاكلهم , فرجت عنهم بإلي أقدر عليه حتى الفلوس ماقصرت ,انا أسدد عنهم هي واختها مرة سلف يتسلفون ومرة مايرجع لي !! وآخرتها أدري من الناس !!
المهم ... انقطعت عني اخت الصديقة فترة كانت خلالها مشغوله بزواج اختها , بعد مانتهى الزواج بدت ترسلي رسايلها المعتادة مثل ادعيلي بالفرج , خلاص أبتطلق ....الخ
صرت ماأرد عليها ومسحت أرقامهم من جوالي ..
قعدت كم شهر وأنا أحاول أتناسى , وفي يوم أرسلت لي الصديقة رسالة وسائط فيها صورة عين تبكي وتحتها أبيات شعر معناها تتمنى أرجعلها وترجع الأيام إلي قضيناها .. أنا سفهتها ...
بعدها بكم شهر واليوم بالتحديد اليوم أرسلتلي اختها رسالتين الفجر الساعة 6 الاولى تقول فيها :
تذكرتك وينك وش أخبارك , أتصل ماتردين علي ليه أنا مالي ذنب ...
والرسالة 2:
ليت الزمن لا مرت الأيام يرجع للورى
نشتاق حنا للحظة من ليالينا
جميلة ذكريات الأمس
تذرف لها دمع ماضينا
لكن لو قسى الحاضر واشتكت أشواقنا فينا
ذكراكم الحلوة تواسينا
ومصير الوقت يجمعنا
وننسى كل مآسينا...
أنا محتارة هلحين أرد عليها أقولها: إني ماسحة رقمها من جوالي ..
أو أطنشها ؟؟
وش رايكم يابنات ؟؟
ضروري رايكم هلحين ..
للمعلومية :
باعتني اختها بأرخص الرخيص ولا وقفت معاي في أشد اموري , وأنا والله شاهد ماقصرت معاها بيوم وإن سمحت الفرصة راح أكتب سبب فراقنا ..
الله يجزاها خير من تشير علي ؟

دلوعه كلمتي مسموعه @dloaah_klmty_msmoaah
كبيرة محررات
يلزم عليك تسجيل الدخول أولًا لكتابة تعليق.


اللـــــه يجزاكـــــــــــــم خير
العلاقـــــــــة قايمــــــــــة من طرفهــــــا هي بـــس
وأنا اعتبرهم ماضي ولا أبي أتذكره
صعب إني أتناسى وأرد عليها والله عجزت
العلاقـــــــــة قايمــــــــــة من طرفهــــــا هي بـــس
وأنا اعتبرهم ماضي ولا أبي أتذكره
صعب إني أتناسى وأرد عليها والله عجزت

انا من رايي الشخصي طنشها لانها ما فيها خير والصديق اللي فيه خير يبين في المواقف وهي تباج لما تكون مضايقه ولا شو قصده انها ما عزمتج لعرس اختها حتى

مها علاوي :
انا من رايي الشخصي طنشها لانها ما فيها خير والصديق اللي فيه خير يبين في المواقف وهي تباج لما تكون مضايقه ولا شو قصده انها ما عزمتج لعرس اختها حتىانا من رايي الشخصي طنشها لانها ما فيها خير والصديق اللي فيه خير يبين في المواقف وهي تباج لما تكون...
الله يجزاك خير ياقلبي
تصدقين من الصبح وأنا محتــــــــــــــــــارة
وحاولت آخذ براي البنـــات وأرد بس والله ماقدرت
لأن نفس كلامك يدور داخلي
تصدقين من الصبح وأنا محتــــــــــــــــــارة
وحاولت آخذ براي البنـــات وأرد بس والله ماقدرت
لأن نفس كلامك يدور داخلي
الصفحة الأخيرة
انا اشوف الدنيا كلش ما تسوى واذا انتي رديتي عليها من باب احتساب الاجر عند الله وترى ما شي يضيع عند رب الكون