بالله يالخبيرات شوروا علي زوجي أحس عينه على راتبي

السلام عليكم بنات حواء

عدت لكم بعد انقطاع وكلي شوق وحنين..واسمحوا لي أعرض مشكلتي عليكم


انا تزوجت من ثلاثة أشهر ولله الحمد والمنة..
مشكلتي ان زوجي من رابع يوم زواج بدأ يلمح لي على راتبي..
يعني يقول وش رأيك نحط حساب مشترك علشان بكرة نبني بيت..
طبعا ..كرهت نفسي ..ما كان ودي يلمح على الراتب وحنا تونا في بداية شهر العسل ..
تعرفون ولأني في بداية الزواج ومستحية منه قلت بأفكر ونشوف..

طبعا يوم استشرت أختي عصبت كثير وقالت لي حبيبتي ليش تستحين منه وما تقولين له ((اللي ما يستحي منك لا تستحي منه ))
وأشارت علي اني ألمح له وما أقولها صراحة ...يعني أقول له ما كان ودي انك من البداية تعرض علي أساعدك كان ودي تنتظر لحد ما أعرض أنا عليك المساعدة !!!!


المهم..
بعدين رجع وقال لي اعتبري الكلام اللي قلته عن الحساب المشترك مسحوب واني ما قلت شيئ ..


المهم..
صراحة هو فيه صفات كثير زينة وما أحس انه بخيل بسسسسسسسسس مشكلته ديون الزواج على راسه وأيضا ما يصفى من راتبه الا القليل ..

يعني أنا اختبرته في البخل ..ماهو بخيل ..

بس دايم يقول لي اني بخيلة ..
ومرة قال لي عندك سلف خمسمئة ريال ...؟؟؟
طبعا عطيته والى يومكم ما شفتها...
مرة يوم قلت له مكيف غرفة الحريم خربان قال لي ..نجيب سبليت..قلت له غالي ..
قال نقط قطية !!!!!


بعدها فرقعت...

بنات لا تحسبوني بخيلة ..والله العظيم ان السالفة وما فيها ان كثير نصحوني اني اذا عودت الزوج من البداية على شيئ تعود طول عمره ((زوجك على ما تعوديه ))


يعني مش من البداية أعوده...وبعدين الرجاجيل مالهم أمان بكرة لا سمح الله يعرس علي

وبعدين مرة فتح معاي سالفة الراتب ...وأنا عصبت..وبديت أرد وأتعذر ان علي ديون وما يصفى من راتبي ..قام زعل وقال بعد ما هديت ...وووووول بغيتي تصيحين يوم قلت عن الراتب

بنات أنا خجوله استحي اعطيه ياها كاش وأقول ..والله أنا ما أحس انها شهامة من أي رجل انه يطلب زوجته ولو ريال السالفة سالفة مبدا ؟؟!!!
هل خجلي في محله؟؟؟؟!!!
والا من رأيكم ان الحياة مشاركة وما فيها شيئ لمن أساعده؟؟؟؟!!!!



وش رأيكم ؟؟؟