من فترة وانا افكر انزل موضوع عن ( كرسي السيارة ) وانواعه
لان بجد يوجعني قلبي اذا شفت الصغار بدون كرسي :44:
اتذكر بكري من ولادته وانا احطه بالكرسي والكل ينقد علي !!! بس ماهمني اهم شيء سلامته :27:
بوضح لكم بعض النقاط المهمة,,, واشرح الانواع,, وروابط للـ يوتوب,, ولو ممنوعة رجاء خاص من المشرفات اقلها اتركوووا اسم المقطع وكل وحدة تروح تشوفه بنفسهااا
بسم الله
ِ
الكرسي صراحة ما احسه قرار شخصي للآباء ,, ولا كشخة !! ولا اي شيء ثاني
هذا (((( حـــــق ))) لطفلك !!
من التعليقات الي وصلتني اذا نصحت قرايبي يقولون تنزحم السيارة وحنا عندنا 3 او 4 !! خل تنززززحم,, سيارتكم لكم او للناس !!
الشسء الثاني الي تجي تقول - اي عمر ينحط الطفل بالكرسي ؟- ارد عليها اقوووول من يوم تطلعين فيه من المستشفى !!
يبكي ! عادي شوي ويتعود,, واتذكر اوجعني قلبي بالبداية واقول لزوجي خل اشيله شوي,, كان رده لي مسكّت يقوول (( الاطفال الموتى مايبكون )) ! وبعدها اطبطب عليه وادعي ربي يحببه بالكرسي والحين ولله الحمد يجي يركب ولو تأخرت ماربطت الاحزمة الاقيه يحاول يربطهم
اهمية الكرسي بختصرها بملف يوتوب,,
http://www.youtube.com/watch?v=Q8gU9zzCGA8&playnext=1&list=PLAD95B3ED00923133
:: انواع الكراسي ::
- اول شيء الكرسي لااااااايمكن ولا بأي حال من الاحوال يتركب ( قدام ),, لان اكياس الهواء للحوادث لحالهاااا خطر على الطفل,,, الطفل حتى 12 سنة مايركب قدام ابدااا
- كل كرسي معاه دليل واضح لكيفية التركيب الصحيحة,, و وضعية الاحزمة بالنسبة للطفل,, ولو صعب شيء يوتوب مايقصر,, يريح حتى من قراءة الكتيب,, بس خذيها قاعدة اي كرسي تقدرين تحركينه ( انش ) واحد يمين او يسار معناها ماتركب بشكل صحيح
Infant Car Seat
هذا للمواليد,, والملاحظ ان له قاعدة لسهولة التركيب,, يعني الكرسي ينزل معاك البيت,, والقاعدة تثبت بالسيارة
والنوع هذا يكفي الطفل احيانا حتى عمر السنة,,
Convertible Seats
وهذا النوع من الولادة ويتحمل حتى يكون وزن الطفل فوق 15 كيلو
ويتركب بالجهتين,,
الوضعية هذي,, بحيث يكون وجه الطفل للمرتبه,, يستخدم
حتى عمر السنة,, افضل شيء الا لو كان وزن الطفل فوق 10 كيلو,, والافضل حتى لو كان فوق 10 كيلو,,, يترك بالوضعية هذي حتى السنة
لاحظووا بالصورة مكان الاحزمة,, لازم يكون على مستوى الابط,,
وفيه ( مرايات ) تتركب بحيث تقدري تشوفي الطفل
الحين البيبي كبر شوي,, ممكن نعدل اتجاه الكرسي اذا هو فوق السنة,, او وزنه فوق 10 كيلو
Forward Facing Only Seats
هذا مناسب للاطفال فوق سنة ونص,, وحتى حوال 5 سنوات,,
(( طبعا الشركات تختلف والانواع كثيييييرة بس احاول اغطي الاساسيات ))
وممكن النوع هذا اذا كبر الطفل,, تستخدمين حزام السيارة نفسها
booster seat
هذا للاطفال الاكبر عمر,, من حوالي 7 سنوات وطالع و يستخدمون حزام السيارة ,,