و بطون كثيرات غيري سواء منكم أو من صديقاتي وإللي أعرفهم ، والموضوع باين من عنوانه وهو إن بطني الله يصلحه قاعد طول الوقت يغني وطربان مدري من وشو؟؟ 
يعني لدرجة إني أبيه يهدأ ويخفف اللعب شوي مافي فايدة طول اليوم والخدامة صاعدة نازلة تجيب لي بهاليانسون والكمون والزنجبيل والبردقوش مدري مردقوش والبابونج وقشر القهوة وغيرهم يعني ما باقي الا اني اشرب تيزاب وبعد مافي فايدة الفلة والوناسة هي هي 
، بتقولون يمكن تبقي وقت طويل تجوعي نفسك وماتاكلي لااااااا والله يابنات ان هالمعزوفات والسمفونيات وهالفرقة ماعندها مشكلة شغالة على طول الوقت حتى وأنا نايمة >>> والله لو إنها طوارئ أو صيدلية يابنات شغالة 24 ساعة بدون كلل أو ملل يعني احيانا أكون توني مخلصة أكل وأصعد الغرفة وأقعد على النت إلا وشوي وأسمع مقطع موسيقي 
أقوم أصرخ على بطني وأقول إنت الحين وش تبي مو توني مطفحتك وين المشكلة بعد ياخي؟؟ :08: بس مافي فايدة كني أكلم نفسي <<< لا أبد ماتكلمين نفسك هههه ، طيب بتقولون يمكن فيك غازات وورى ماتروحين الحمام طيب ما أبي أحلف بهالأشياء لأن حرام أجيب اسم الله مع هالأشياء لكن بقول لكم إني أروح الحمام –الله يعزكم- و أقضي حاجتي وأطلع بكل ثقة :3_13_11:على اساس انه خلاص مافي صوت بعد اليوم مافي صوت صارت اغنية بنت كرم ههههه وأقعد على السرير وشوي وأسمع صوت قوي 
ياشيخ فكني عاد إنت وصوتك ماصارت معك ترى كرهتني بعيشتي عنبو ماتتعب طيب فرقة حسب الله اللي داخل ببطني هاي ماتنام؟؟ ما تهجع؟؟ ما تاخذ بريك؟؟ 
، امممم طيب بتقولون يمكن فيكي ط ، ق ، ع ، ة سامحوني بس لازم اوضح الموضوع من كل الجوانب لأني عارفة ان كل حد بيفكر من جانب لكن اقول لكم انه مافي فايدة أغنية دقني دقني موجودة بكل الحالات ، وترى ياما احرجتني بمواقف كثيرة سواء لما كنت في الشغل او لما تزوجت عاد تخيلوا مرة كنت قاعدة مع زوجي 
وتوني عروس و مستحية وكانت الاجواء رومانسية وماينقصها إلا صوت موسيقى فعلى ما اعتقد ان بطني حب يفزع لي و يقوم بالواجب وحس بأن الجو ينقصه موسيقى فقام الله يصلحه طلع لكم هذيك السمفونية وقسم بالله ان زوجي التفت علي قال وش ذا؟؟ ههههه قلت له هذا صوت بطنك دايم اسمعه و اسكت >>> قلبت الطاولة عليه هههههههههه وقمت أضحك من فشيلتي على صوت بطني يعني صدق فضيحة بعدها عاد قلت له الحقيقة المرة اللي أعاني بها من هالبطن المستخف 
وترى حتى هو كان يطلع من بطنه صوت لكن مو مثل بطني العزيز اللي حابب يراوي نفسه إنه أعلى صوت من اي بطن ثاني ، طيب يابطني ياقلبي ياحبيبي ياروحي ماتعرف ان الأغاني حرام وراك ما تهجد و تبطل غناء وطبول وقرقعة ببطني عشان ماتكسب ذنوب من وراي؟؟ ههههه ، المهم حبوباتي هاي معاناتي مع هذا البطن علما بأن بطني صغير فيه كريشة صغيرة ماتبين بس جد قاهرتني من وين لها هالكرشة تطلع هالصوت اللي اعلى منها ماااادري ، تهقون كيف اتصرف مع هالصوت ووش هي مواقفكم مع هالبطون إللي تفشل أمام أزواجكم؟؟ وكيف عالجتوها؟؟ يللا فرفشوا شوي واطلعوا من نكد أزواجكم اللي بالمواضيع الثانية وخلونا نضحك...