بالنسبة للنعناع والأعشاب هذا ماحصل معي

السلام عليكم ورحمة الله وبركاته,,,

أنا والله ماكنت ناويه أكتب موضع بس تووني دخلت على هالموضوع

http://forum.hawaaworld.com/showthread.php?t=3140080


ولقيت رد لوحده عن النعناع وتذكرت أمر حصل لي من فترة بسيطه وجاء في بالي أكتب لكم


أنا الحمدلله الحين حامل مع أني حذره ماأحمل بس أرادة رب العالمين والحمدلله على كل حال


بس باقول لكم شلون أنا طول عمري دورتي منتظمة وفجاءة تأخرت علي الدورة واستغربت

وتوترت قلت شكلي حملت وحللت كذا مره ومو حامل وبعد 10 ايام من التأخير نزلت

وجلست أفكر في سبب تأخيرها لقيت كنت أشرب شاي النعناع بس مو شاي ومعاه نعناع,,, نعناع بوحده خالص مثل الشاي مع مويه دافيه


وأنا طول عمري على فكرة ماشرب شاي النعناع وبس الشهر اللي شربت فيه حصل لي هالتأخير

ومع التأخير تعب وألم ومعاناة وخلصت الدورة مني أرجعت أنزلت مره ثانية بموعدها المعتاد يعني تقريبا اخذت ثلاث اسابيع ورجعت نزلت


ومن هالخربطه حصل حمل ,,,, بس الحمدلله على كل حال



أما الأعشاب هاذي سالفة ثانية ,,, أمي الله يطول بعمرها جاتها فترة تشرب في هالأعشاب وبعد فترة بسيطة

مرضت مره وتغير حالها دوم تحس بغثيان وترجع ويحصل لها غماء ,,, وراحت المشفى طلع عندها جرثومه بالمعده

وهالجرثومه ماتروح منها طول عمرها ,,, تهدأ صحتها مع العلاج وترجع الأعراض في أي وقت ,, واعملوا لها تحاليل كثيرة ومنظار ,,, المهم يابنات هالجرثومه جتها من الأعشاب اللي تشربها




يابنات والله ماقلت لكم هالكلام إلا من خوفي عليكم انتبهوا على أنفسكم ولاتعطون الطفل أعشاب من العطارين

فيه أعشاب خاصه للأطفال في الصيدليات على الأقل تضمني جودتها ونظافتها ومعاييرها بما يتناسب مع الطفل



ومو شرط اللي تشرب نعناع يصير لها مثلي بس حبيت أذكر لكم وش حصل لي معاه



ودعواتكم لأمي لأن صحتها مره تغيرت ونحفت مره




أصيلة المجد