السلام عليكم ورحمة الله حبيباتي وكل عام وانتم بخير مقدما .. من جد جد بنات أبي حد يفهمني كيف معظم العضوات مشتركات بعضوية وحدة؟؟ يعني إللي قاطات بعضوية وحدة ماعندهم خصوصية؟؟ أنا أختي وهي أختي ما أقدر أقطها بمعرفي لأن لي مواضيعي وخصوصيتي وهي لها مواضيعها وخصوصياتها كيف إنتو وجوارينكم و بنات الحارة و بنات العايلة كلكم بمعرف واحد!! طيب ليه مو كل وحدة تشترك بمعرف لحالها و تستقل؟؟ الحين مو كل وحدة عندها مواضيع و ردود خاصة فيها تختلف عن اللي مشاركتها بنفس العضوية؟؟ والله يا بنات احيانا اقول طيب اللي متشاركات بعضوية وحدة مايجي اثنين منهم يبون يدخلون بنفس الوقت؟؟ كيف بيدخلون بوقت واحد وهم بإسم واحد؟؟ بهالحالة كيف بيسوون بهالمعرف المسكين شلون راح يتقاسمونه؟؟ حسستوني ان المعرفات بفلوس وقاطين كلكم بمعرف واحد هههههههه يعني الحين لأنه مو من جيب ابونا و لا العضويات بفلوس عشان كده الأفضل ان كل وحدة تستقل لأن بصراحة نشوف من عضوية وحدة مواضيع وردود واحد بالشرق والثاني بالغرب ونحن ضايعين بالطوشة يعني حتى حسن الظن احيانا ماتقدرين تدخليه بالسالفة ، خصوصا لما تشوفي وحدة زوجها توه ميت بموضوع منزلته اليوم وبالموضوع الثاني تبي تشتري بلاك بيري بنفس اليوم اللي هو لازم يكون يوم عزاء يعني بتترك المعزين وتروح تشتري بلاك بيري وترجع :icon19: والأدهى والأمر انه يجيكي بنات بيسوون فزعة يقولون لك بأن المعرف ممكن يكون مشترك طيب ياقلبي انتي وياها ياريت ان كل وحدة تسوي لها معرف مشترك عشان الكل يمشي بحدود الموضوع ولا يصير شكوك من قبل العضوات الثانيات لأن بصراحة شفت عضوات قاعدات بس ينبشن الملفات الشخصية يبون يمسكون أي كلمة على صاحبة المعرف وهالنماذج مليانة بالمنتدى الله يهديهن لكن كمان ان كان صاحب المعرف السالف ذكره شنب زي ما اكثر البنات حللوا ، على كده بفزعتكم هاي انتو بتشجعوه يستمر ويكمل مشوار الضحك عليكم حتى لو انه انكشف من بعض العضوات ، لكن بكلامكم هذا يقدر يطلع يقول نحن مشتركات بعضوية وحدة ويكمل تفاهاته عليكم ، يعني كل حد فينا يتعرض للفرح وللولادة وللموت وللمرض وغيره فمو معقولة وانا حاكرة نفسي بمعرف مع شلة إني لما أقول بموضوع إن أمي الله يرحمها ماتت إني أموت أمهات كل من معي بالمعرف!! لأن خلاص مجرد مايشوفون اسمي ومنزلة موضوع يحددون هالإسم بالموضوع اللي نزل ، لا والمصيبة لما تكون بالمعرف الواحد متزوجة وغير متزوجة هنا الضحك :icon32: لما تجي بموضوع تقول زوجي وزوجي وعمل وفعل وسوالي ليلة حمرا وضربني ومدري وش سوا بعدها بموضوع ثاني تدعي انها تتزوج وانها عادها بنوتة وملت من العزوبية لأن المعرف مشترك ههههههه لاااااا وكل هذا بكوم وإللي يسلفون معرفاتهم لصديقاتهم عشان يكتبون مواضيع ويردون عليها كوم ثاني!! يعني احيانا يبين من اللي كاتبة الموضوع وناسبته لصاحبتها انها مسلفتها ياه إن صاحبة المعرف ذي هي نفسها الكاتبة للموضوع بس ماتبي تبين للعضوات انها هي في مشكلة!! لا ولاعبة الدور عدل وأشكر وما أشكر صاحبة المعرف وجزاها الله خير إنها اعطتني معرفها ومن ذا الكلام ههههه طيب ليه؟؟ وطبعا هالصديقة ماخذة راحتها على الآخر في معرف صديقتها كل شوي داخلة وطالعة ترد وتطلع مافي لا حسيب ولا رقيب وصاحبة المعرف ماعليها مبسوطة والوضع عندها عادي جدا هههههه ياشيخة مو كلنا أوادم وتصير لنا مشاكل و مضايقات وكل شي يعني ليه تستحون تقولون نحن صاحبات القصة يعني اذا انتي كنتي صاحبة المشكلة بتختلف الحلول عن إذا كانت صاحبتك؟؟ مدري ليه؟؟ ، وأحيانا بعض العضوات الله يهديهن يحطون هالعذر وهم لوحدهم بالمعرف لكن هي الله يصلحها تبي ترد على المزاج متى ما مزاجها رايق ردت برواقة ومتى ما كان مزاجها عاصف أعصفت باللي حواليها (وهالنوعية للأسف اعرف منها كم وحدة لكن الله يهديهن) ولما تقولين لها ردودك متناقضة تقول لك قاطين بمعرف وهي مناك لوحدها!! ، وربي من زماااااان وأنا أقرأ ردود لبعض العضوات أقول هاي اكيد فيها انفصام بالشخصية من التناقض الواضح بالردود والمواضيع وبالمقابل أكثر ما الله كثر الأسماء حطي لك اي اسم وتوكلي على الله وإذا عجزانة تدوري إسم انا عندي قائمة اسماء بس أشري وطبي وأختاري ههههه ، عشان كده بالله عليكم مانبي نسئ الظن بأحد وكلنا أخوات وظننا خير ببعض إن شاء الله لكن إللي بالمرة بالمرة مو قادرة الا تتشارك مع معرف ثاني ياريت إنكم تذكرون هالشي بتواقيعكم عشان يمشي موضوعكم بالهدف المنشود له وماياخذ منحنيات ومنعطفات ثانية ، وهاي بعض النقاط اللي ممكن تشجع القطوات الحلوات :tongue3: بمعرف واحد إنهم يستقلون:
* الاشتراك بالمنتدى مجاني ولا يستدعي الحشرة بمعرف واحد :wink:
* كل ما زادت العضويات بمنتدانا الغالي كل ما تقدم عالميا :heart:
* إللي ما تعرف للنت تراها ماتعرف له سواء بمعرفك أو بمعرف لحالها إيش اللي فرق يعني :rolleyes:
* ساعدونا على حسن الظن بكم ومافي داعي للف والدوران :10:
* مافي أحلى من الخصوصية وتخيلي لو وحدة جت بتستخدم حاجة من حاجاتك كيف ممكن تتضايقي منها :11retcher
* إنتي اليوم ماعندك مشكلة أو حاجة تخشينها عن اللي قاطات معك لكن بكرة بتصير لك مشكلة ماتبين حد يعرف عنها وتبين تستشيرين حد ترى محد مستثنى عن المشاكل بهالدنيا - يوم لك ويوم عليك معروفة -.
* تصدقون أنا ليومكم هذا إذا أي حد سألني إنتي عضوة بأي منتدى أقول لهم لا بس أدخل ضيفة أقرأ المواضيع وأطلع >>> ياويلي من الله هههه بس والله صديقاتي ملقوفات بيطلعوني بيطلعوني لو اقول لهم اسمي هههههه :redface:
* إذا وحدة عندها مبررات يمكن نحن مانعرفها أو مش جاية على بالنا ياريت توضحها لنا لأن كلن وله ظروفه و حلو انكم تبينون لنا سبب هالظاهرة المنتشرة عشان يصير التفاعل اكثر معكم ومع مواضيعكم والسموحة منكم جميعا :26:
سمايلي فيس @smayly_fys
محررة فضية
يلزم عليك تسجيل الدخول أولًا لكتابة تعليق.
بناتي كبروا
•
صحيح حتى انا مستغربة من ها الشي ليش ما يكون لكل وحدة معرف بروحها ... مرة حصلت وحدة كاتبة المعرف مشترك بيني وبين خواتي وصديقاتي .... !!!!!!!!!؟؟؟؟؟؟؟؟
ههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههههه
ضحكني عنوان الموضوع الله يسعدگ ياشيخه
ههههههههههههههههههههههههههههههههه
ههههههههههههههههههههههههههههههههه
ضحكني عنوان الموضوع الله يسعدگ ياشيخه
الصفحة الأخيرة