مساء الخييير
عندي كلام ممكن ينفع البعض
لأنه قد يغيب او مايخطر ع بال الكثيير
(وذكر فان الذكرى تنفع المؤمنين )
مااحب اتكلم بالشي اللي الأغلبية يتكلمو فيه دايم احب واستمتع بالنقاط اللي ممكن ماحد يلتفت لها او تغيب سهوا عن البال
قبل ماابدأ بأقول كلنا ماننكر ان الدعاء حاجة عظيمة وياماتحققت المستحيلات بسبة دعوة ،
طبعا موذا موضوعي
انا أقصدي فيه اشياء جميييلة جدا ممكن ماضميتوها لدعواتكم
تعالو وابيكم فعلا تتخيلو كل حاجة انا قاعدة اقولها تخيلو لما ربي يستجيبلها لكم كيف وقتها حتكون سعادتكم بس لو نضمها لدعواتنا اللي ندعي دايم فيها حنكون ضربنا عصفورين بحجر
الدعوات الأخروية
كلنا نخاف من الموت ونتمنى طولة العمر وانا مو جاية اخوفكم انا جاية اريحكم شوي
الموت حق شئنا أم أبينا
طيب فكرنا يوم نخلي حياتنا بعد الموت جميلة (بالدعاء)
زي يعني انك خايفة من فكرة معينة بعد الموت وألححتي فالدعاء انك هالشي تتجاوزيه بيسر وسهولة!
مثلا انك تقولي يارب ودي عند الموت تنزل علي سكينة واكون بقمة الراحة والسعادة وتتيسرلي نطق الشهاادة بسهولة فضييعة!
فكرتي فيها؟ طيب تخيلي ربي استجابلك واكيد بيستجيبلك بلاشك تخيلي وقتها الناس تبكي وانتي بقمة سعادتك والناس جاية تلقنك الشهادة وانتي اصلن مو محتاجة. . دعواتك بحياتك كانت حصادك لهذا اليوم وربي نطّقك اياها بسهولة بالغة بالنسبة لي حاجة عظييييمة جدا
انا عن نفسي كانت ترعبني فكرة المرور ع الصراط واني امشي ع شي ادق من الشعرة وذنوبي ياكثرها ع ظهري يااما انجو او اهلك ناس تعبر كالبرق وناس تحبو وناس تزحف ع بطنها ياترى انا وش وضعي بينهم فكرت وقلت الله مايرد الدعاء دعوت بأن ربي يجعلني اعبر الصراط كلمح البصر وتيقنت ربي استجاب دعوتي فاطمأن بالي
طيب ليه مانفكر ندعي بكل شي ينفعنا في آخرتنا ! ليه بس نقعد نفكر وحنا مرعوبين ليه مانقدم لانفسنا شي يرضينا ويريح بالنا ويحسسنا بالاطمئنان
ليش مانفكر بالموت والآخرة بشكل إيجابي ليش نربط الموت والآخرة بالرعب والشيء المخيف متناسين كل النعيم والسعادة بالجنة !
مو معنى كلامي انه نتناسى اهواال الاخرة لا ابدا انا اقصد نرغب انفسنا ونمنيها لأن ربي اكرم ممانتصور
(ما يفعل الله بعذابكم إن شكرتم وآمنتم )
طيب حنا عندنا غيبة وتكلم بالناس الله يتجاوز عنا
طيب هالناس كلها راح يجي يوم يقتصو لانفسهم منا وياخذو من حسناتنا . .حنا اصلن حسناتنا شوي ياترى وش راح يبقى منها ؟
طيب فيه حل ان شاالله ربي ينفعنافيه طبعا قبل الحل نكون صادقين فالابتعاد عن الغيبة قد مانقدر الحل انه حنا ندعيلهم ونستغفرلهم كثير وندعي انه ربي يسخرلنا قلوبهم عشان يعفو عنا بالدنيا قبل الأخرة
انتو مستوعبين اللي اقوله يعني اذا استجيبت دعوتك ربي راح يخليهم بلحظة ينطقو يااارب عفونا عن كل من آذانا بقوله وفعله فاعفو عنهم ...اللي فقط واثقة من قدرة الله واستجابة ربي لها هي اللي راح تتخيل كمية هذا الكلام بشكل ممتع ولذيذ
انا عن نفسي متيقنه ودايم اتخيل ربي خلاهم يعفون عني... كيف ومتى !؟ ذي انا مالي دخل فيها الله هو فقط من يدبرها سبحانه
طيب وش وضع الاستغفار لهم ؟! طيب هم راح يآخذو من حسناتك ليش ماتفكر تستغفرلهم بقدر كلامك عليهم حتى يصير فيه موازنة يعني فوق كلامك عنهم لكن راح يلاقو ايضا حسنات من استعفارك لهم ولعل وقتها ماياخذو من حسناتك وتكون الحسنات اللي جت منك بقدر الكلام اللي تكلمت فيه عليهم (هالنقطة مو من عندي من بعض العلماء ) طبعا هذا الشي مايعطيك الأحقية انك تغتاب بس لو كنت فعلا ندمان وتبت وشايل هم غيبتك السابقة للناس قدم لنفسك الشي اللي ممكن راح ينفعك
طيب خلونا نضم دعوات آخروية لدعواتنا بالدنيا والله حتكون مكسب كبييير لنا بنعرف قيمته بعد الموت
ادعو بكل شي خاطركم فيه ادعو ان ربي مايخرجكم من الدنيا الا وقد رضي عنكم وأرضى عنكم خلقه واوجبلكم الفردوس الأعلى (ياالله شي جمييل )
ندعي انه ربي يثبتنا عند السؤال على القول الذي يرضيه
تخيلو لما تكون بقبرك وتسمع قرع نعالهم وهم يولو عنك
ويجيك الملكان للسؤال انت وقتها في مأمن بسبة دعوتك ربي ثبتك بكل سهوووولة (حاجة فوق الوصف )
شفتي اللي بالاختبار وكان شايلة هم الاختبار وبس تدعي وجا الاختبار وانصدمت بسهولته وكله بفضل ربي ودعائها له طبعا شتان بين الاختبارين بس الرابط المشترك هو الدعاء
انا مو قاعدة ابربر عليكم انا عن نفسي مؤمنة جدا باجابة ربي لدعواتي فعشان كذا جدا استمتتتع
ندعي ان الله يجعلنا من الذين لاخوف عليهم ولاهم يحزنون (ذولا فئة خاصة ذكرهم ربي بالقرآن ي بختك لو كنتي منهم )
ندعي ان الله يسقينا من حوض النبي فلانظمأ بعدها ابدا
الناس عطشانة وانت ربي رواك بسبة دعوة (ماراح اعلق تصوركم للمشهد يكفي )
ندعي انه يوم تكون الشمس قريبة من الناس قدر أنملة والكل منتظر دوره بالحساب والناس يتصببو عرق لدرجة من شدة الموقف الكل يتمنى يروح لجزائه اللي الى جنة واللي للنار
هنا انت ما تقدر تقدم لنفسك شي الا لو كنت قدمت دعوة بحياتك او عمل صالح يعطيك الأحقية في ان تكون منهم
معناته موقف فضييع جدا
لكن انت وينك
انت غييير هناك مستريح تحت الظل وهم بالشمس ينحرقون وكل ذا بسبة ايش ؟ بسبة دعوة دعوة فقط سوتلك اشياء مايتصورها عقلك اجل ليش الدعاء عبادة عظيمة ي جماعة ...هاه آمنت ان الدعاء يسوي اكثر مماتخيله عقولنا الصغيرة
ولازلنا ندعي ولازالت هناك كثير دعوات شغلي مخك وكل آية تمر عليك بالقران او حديث عن النبي عليه السلام حاولي ماتفوت عليك وادعي تكوني من اهلها انا عن نفسي اعتبره ذكاء وحكمة وبعد نظر
لأن الذكي دايم يفكر لقدام مو بس في الساعة الزمنية اللي بنتتهي لأن تفكيره يكون بعيد المدى ومافي اكبر بعد من التفكير لمابعد الموت
ولا زلنا ندعي انه ربي يجعلنا من الذين لاخوف عليهم ولاهم يحزنون
وانه يجعلنا ممن رضي عنهم ورضو عنه
دعوااات عظيمة نقدر نفعنا انفسنا فيها نفع عظيم
ماراح يآخذ هالكلام بشكل جدي الا اللي فعلا هو يحب نفسه وده ينفعها ويفكر للمدى البعيد مااقصد بحدود الدنيا اقصد مابعد الموووت
ادعو كل شي خاطركم وتأكدو عندكم رب مايردكم خايبين ابدا ابدا
موضوعس مرھ جميل .. وَأجمل من زينَّ كلهہ ..❤
{ ربِــــــــــــــــــــى يجعلهـــــــــــآ فِي موآزينَّ حسنـــــــــــآتس ..❤ }
بس مآ أدري ليش ..
إذا أحد كلمني عن الموت .. تجيني سعآدھ مآ أدري كيف أوصفهـــــــــــآ << في أحد مثلي .... ؟
فرق لمآ يفتحونہ موضوع عن زواج ناس تفرح ..
أنَا أتضايق .... !